Kur çmenduria nuk ka kufij...

Ky që po shihni në imazh është një Apple iPhone 4, por jo një i tillë që mund ta shihni çdo ditë në treg. Ai kushton saktësisht 8 milion dollarë! Një çmim astronomik për një celularë që edhe në versionin më të thjeshtë është ende i shtrenjtë për konsumatorin e përditshëm.
Argjendari Britanik Stuart Hughes, që ka fituar një reputacion për rimbështjellje të shtrenjta të pajisjeve të popullarizuara elektronike të tregut, është sërish në qendër të vëmendjes me këtë iPhone me 500 diamante “të përkryera” dhe me më shumë sesa që duhet ari për të tërhequr sheikët e Dubait, e jo konsumatorët e zakonshëm.

Ja sesi e përshkruan Hughes produktin në ueb faqen e tij: “Celulari më i shtrenjtë në botë ka një konstruksion që kushton total 5 milion funte. Është i punuar në punë dore dhe ka rreth 500 diamante të përkryera që kanë një total prej mbi 100 karat. Pjesa e prapme është formuar duke përdorur ari ngjyrë roze me prekje të ngjashme me ari edhe rreth logos së Apple dhe me 53 diamante. Navigimi kryesor është punuar nga platina që ka diamante të prera një nga një, me vlerë prej 7.4 karat. Gjithashtu i përfshirë është një diamant i rrallë 8 karat që mund të zëvendësojë atë me ngjyrë roze që shihet në imazh. Korniza që mban këtë celularë unik është e punuar nga një bllok i Granitit, në Imperial Pink me lëkurë të brendshme të nivelit më të lartë, që ngrit peshën në rreth 7 kg. Pajisja është 32GB dhe është edicion i limituar, me vetëm dy kopje”.
E tani për ju lexues? A ju duket kjo çmenduri kur dihet se edhe në versionin e thjeshtë iPhone kushton shtrenjtë?

Per shum gjera nuk ka cmenduri ne kete bote jo vetem per gjerat elektronike po edhe ne anen njerezore sot ska kufi