Dukuria: Kur të thotë “të dua”, të persekuton

Fenomeni i “Stalking” është aq aktual në ditët e sotme saqë shumë vende kanë nxjerrë ligje që penalizojnë njerëzit të cilët i persekutojnë të tjerët. Ky term ka të bëjë me sjellet bezdisëse të kontrollit dhe survejimit të një individi në jetën private. Zakonisht persekutori është mashkull dhe viktima femër. “Stalkeri” bën veprime të vazhdueshme kundër dëshirës së personit tjetër duke kërkuar të ketë kontakte me të dhe vendet ku ajo rri, duke e telefonuar apo bërë skena të padëshirueshme. Në këtë rast, vepra penale ka të bëjë më tepër me mënyrën këmbëngulëse dhe bezdisëse sesi personi kontakton me personi tjetër, sesa me veprën që ai kryen. Këto veprime shkaktojnë tek viktima ankth, frikë, pagjumësi dhe makthe, simptoma këto që janë të ngjashme me ato të çrregullimit të stresit post-traumatik. Stalkeri mund të jetë një p panjohur, por në më të shumtën e rasteve ai është një person i njohur, një koleg, ish-i dashur që do të rekuperojë raportin e e mëparshëm me çdo kusht. Mënyrat e persekutimit janë të ndryshme , po ashtu edhe reagimet varen nga këto mënyra. Gjithsesi, është mirë të adaptohen disa rregulla të përgjithshme pë t’u mbrojtur.

Ja mënyrat e mbrojtjes

Së pari, duhet studiuar mirë problemi për të mos rrezikuar që ai të nënvlerësohet. Të thuash “jo” ndaj çdo kërkese për vëmëndje (mospranimi i dhuratave, telefonatave, etj) ose kërkesave për të rifilluar një lidhje tashmë të mbyllur. Duhet të shmangesh daljet nga shtëpia në orare fikse, si edhe të shmangësh daljet nëpër vende të izoluara apo të mbash gjithmonë me vete celularin për të telefonuar në raste urgjente e t’u drejtohesh forcave të rendit në raste rreziku. Një gabim që nuk duhet bërë është të mendosh se ke të bësh me njerëz të respektuar, me të cilët mund t’i zgjidhësh edhe vetëm situatat. Për këtë arsye, shpesh këto gra mendojnë se mund ta zgjidhin vetë problemen dhe rrinë nën persekutimin e këtyre personave për vite me radhë, duke shtuar këtu edhe frikën se mos pas denoncimit situata mund të degjenerojë. Kjo gjë është e kotë pasi stalkeri nuk do të heqë dorë nga sjelljet e tij posesive. Madje nuk janë të pakta ato raste kur këto sjellje të persekutorëve përfundojnë edhe në vrasje sikur të duan të thonë ”Pa mua nuk ke të drejtë të jetosh”.