E ëmbël apo e thatë? Zgjedhja e verës tregon personalitetin...

Shijimi i një “Sauvignon Blanc”, “Chardonnay”, “Bordeaux”, apo “Zinfandel”, mund të tregojë shumë më tepër sesa një preferencë, për sa i përket verërave. Kjo gjë mund të tregojë gjithashtu tipare personaliteti.

Një kërkim i ri nga shkencëtarët në Australi dhe Britani, ka treguar se “qeflinjtë e verës”, që preferonin një shije të ëmbël, prireshin të ishin më impulsivë. Ndërkohë, ata që preferojnë verërat më të thata, kanë prirje të kenë një personalitet më të hapur. Këtë gjë e ka deklaruar Anthony J. Saliba, i Universitetit Charles Sturt në Wagga Wagga, Australi. Ky profesor, së bashku me kolegët e tij Kate Wragg dhe Paul Richardson, nga Universiteti Sheffield Hallam në Sheffield të Anglisë, kanë dalë në rezultatin se përvec përcaktimit të personaliteteve impulsiv dhe të hapur, nuk ka mundësi që vera të tregojë diferenca midis llojeve të tjera të personaliteteve. “Mbështetet nocioni se preferenca e ëmbël zhvillohet më shpejt tek qeniet njerëzore dhe kjo mund të cojë në zhvillimin e impulsivitetit”, tregon profesori në raportin e botuar.

Eksperimenti i bërë prej tij dhe kolegëve është zhvilluar tek 45 persona nga Sheffield. Ata kanë shijuar verën dhe më pas janë ndarë në dy grupe: ata që pëlqenin verën e ëmbël dhe ata që pëlqenin verën e thatë. Secilit gurp iu dha gjithashtu të plotësonin teste personaliteti, që të vlerësohej impulsiviteti i personave, empatia, të qënit i hapur, vetëdijshmëria, ekstraversioni, komplianca dhe neurotizmi. Studimi tregoi se preferenca për të ëmblën ndikonte gjatë gjithë jetës, nëse personi kishte patur një fëmijëri të frustruar. Ata që pëlqenin shijen e ëmbël patën më shumë tipare të personalitetit impulsiv, ndërsa ata që preferonin shijen e thatë treguan se kishin më tepër tipare të personalitetit të hapur.

Studiuesit që punuan në këtë vëzhgim, kanë ndërmarrë studime të tjera, për të vërejtur nëse ka ndonjë element të ngjashëm midis përsonaliteteve impulsivë dhe atyre të hapur.