Tirana vazhdon refrenin: Duam paratë tona!

Si të mos mjaftojë ecuria jo e mirë e skuadrës së Tiranës në kampionat, te bardheblutë duket se po kthehet në telenovelë edhe çështja e rrogave të prapambetura të muajve gusht-shtator. Lojtarët duket se janë mjaft të irrituar që kërkesa e tyre nuk ka gjetur zgjidhje deri më tani dhe gjendja ka shkuar aty ku nuk mban më. Nuk është hera e parë që lojtarët kërkojnë rrogat, të paktën që kur ka nisur ky sezon, ky ka qenë një problem që nuk ka marrë zgjidhje, edhe pse çështja e rrogave të prapambetura ka shkuar deri në zyrën e kryebashkiakut Edi Rama.