Grupi A: Përparimi parakalon Erzenin në Shijak

Erzeni, humbje me tension ndaj Përparimit

Erzeni - Përparimi 0-1

Erzeni: Doda, Buna, S.Voroshi, Bllaca (Koleci 50′), Shahini, O.Vora, J.Vora, Kalluci, Kuçi, Molla, Bajrami.
Trajner: J.Bespalla.
Përparimi: Koçi, Syla, Kreka, Melani, Maloku, Kola, Spahiu, Brahja, Guri (Berberi 70′), Malluta, Xhixha. Trajner: Y.Shehu.
Shënues: Berberi 77′
Gjyqtarë: B.Breshani, D.Mytari, E.Zeqaj (Tiranë)
Kartonë të verdhë: Brahja, Melani

Erzeni pëson humbjen e parë, madje në fushën e tij, ku ka pritur Përparimin, një rival direkt. Shijakasit janë ndëshkuar nga një gol i Berberit në minutën e 77-të, ndërkohë që ka pasur tension në fushë, si dhe ndërprerje të lojës. Buna godet shtyllën që në fillim të ndeshjes për Erzenin, ndërsa pas tij rrezikon Voroshi. Për kuksianët është Malluta që vë në provë portierin Doda. Në të 40-ën Bajrami godet me kokë dhe topi përplaset në shtyllë.

Erzeni bën sikur sulmon, por gabon në finalizim. Përparimi shënon golin e fitores me Berberin në të 77-ën dhe më pas loja tensionohet mjaft. Gjyqtari ndërpret lojën, duke u tërhequr në dhomat e zhveshjes për konsultim me stafet drejtuese. Pas 15 minutash loja rifillon për të luajtur 4 minutat e mbetura, që nuk e ndryshojnë rezultatin. Pas ndeshjes, trajneri Bespalla tha se do të japë dorëheqjen.