Saimir Strati gati të thyej një rekord të ri botëror

Katër herë fitues i rekordit Guiness, artisti shqiptar Saimir Strati po përgatitet të thyej një rekord të ri, kësaj here me krijimin e një monedhe gjigante me vida. Vepra me dimensionet 5m me 2.5 m po realizohet në hollin e Teatrit Kombëtar në Tiranë, pasi kësaj here Saimir Strati ka vendosur t’ua kushtoj atë artistëve shqiptarë. Sipas jurisë së rekordit Guiness, vepra duhet ta realizohet brenda 2 javëve. “Do ta përfundoj brenda afateve të caktuara”, shprehet optimist Strati, i cili mban rekordin Guiness për mozaikun e një djali që i bie kitarës, realizuar me tapa shishe, për portretin e Leonardo da Vinçit, krijuar me gozhdë, për kalin me kunja dhëmbësh dhe për portretin e Michael Jackson me penela.