Xhaferraj: Shqipëria e para në botë për tu vizituar në vitin 2011

Ministri i Turizmit Kulturës Rinisë dhe Sporteve, Ferdinand Xhaferraj deklaroi se Shqipëria është një prej vendeve që agjencitë ndërkombëtare të turizmit e kanë vlerësuar si më të mirën për tu vizituar gjatë vitit që vjen. Xhaferraj ju referuar agjencisë “Lonly Plant” e cila e ka renditur të parin vendin tonë në vlerësimin e përvitshëm që sugjeron për klientët e saj.“Lonely Planet, një nga prestigjiozet me të njohura në botë në fushën e udhërrëfyesve turistike zgjodhi të shpallte këtë fillim jave Shqipërinë si destinacionin e parë turistik për tu vizituar ne vitin 2011”, tha Xhaferraj. Ai u shpreh se plazhet, infrastruktura e re, natyra e bukur, trashëgimia e pasur kulturore, siguria e vendit, jeta e natës, kuzhina e mirë, aventurat malore dhe mikpritja shqiptare, cilësinë që e kanë zgjedhur vendin tonë nga Lonely Plant. “Kuptohet që ky imazh shumë i mirë për vendin, vjen falë përkushtimit të Qeverisë: Turizmi prioritet, ku 6 vite me pare kemi pasur 400 mije vizitorë dhe vetëm për 10 muajt e pare të këtij viti kishim 3 200 000 vizitorë”, tha Xhaferraj. Ai u shpreh se përgjegjësia për turizmin duhet të fokusohet vetëm në përmirësimin e cilësinë. “Sfida e përbashkët që kemi ne, qeverisja vendore dhe partneret private është të përmirësojmë cilësinë në shërbime, cilësinë në pastrim, cilësinë në promocion, cilësinë në plane urbanistike, cilësinë në investime”, tha ai.