"Lajmi i fundit"...Shtohet bilanci, 8 te vdekur në rrugën nacionale Fier-Tepelenë

8 të vdekur dhe 20 të plagosur janë të dhënat paraprake pas aksidenti tragjik të ndodhur në rrugën nacionale Fier-Tepelenë në fshatin Ziaj, të Komunës Fratar në orën 20.00. Nga të dhënat paraprake mësohet se shkak i aksidentit ka qënë humbja e drejtimit të autobusit të linjës Tiranë -Athinë me targë INB 9900 i cili drejtohej nga shtetasi Tomas Tsogas. Ende po punohet për nxjerrjen e kufomave me mjete të përfocuara pasi viktimat ndodhen në 100 metra thellësi dhe terreni i vështirë e vështirëson situatën. Ndërkohë në një lidhje telefonike për “Ora News” prefekti i Fierit Bujar Hasa ka deklaruar se ende po punohet për ngritjen e autobusit pasi numri i viktimave ende po shtohet.
Drejt Tiranës janë nisur autombulanca ndërsa ende në autobus ka persona të bllokuar.

Në Spitalin e Gjirokastrës 5 të plagosur
Nga të dhënat më të fundit nga korespodendenti ynë për “Ora News”, autobusi është përmbysur dhe nxjerrja e viktimave është e vështirë, ndërsa në vendngjarje janë vënë në dispozicion 2 vinca për të nxjerrë pasagjerët. Konkretisht në Spitalin Rajonal të Gjirokastrës nuk ka asnjë viktimë ndërsa kanë mbërritur 5 persona të plagosur për të marrë ndihmën e duhur mjekësore. Të plagosurit janë Daniela Papadhaqi, Majlinada Syzi, Burbuqe Guma, Vjollca Baci dhe Eduard Premci i cili është në gjëndje më të rëndë shëndetësore.Në Spitalin e Tepelenës gjashtë të plagosur
Gjashtë të plagosur dhe një i vdekur janë nisur për në Spitalin e Tepelenës. Ky është konfirmimi i marrë pak minuta më parë nga Drejtori i Spitalit të Tepelenës Astrit Zeneli ndërsa personat janë ende duke u trajtuar për shkak të gjëndjes së rëndë shëndetësore. Personat e shtruar janë: Brunilda Halili 16 vjec, Valbona Guma 17 vjec, Daniela Papadhaqi 34 vjec, Servi Mema 34 vjec, Eduard Prenci 29 vjec i cili është i shtruar në sallën e operacionit pasi ka patur hemoragji të brëndshme. Ndësa Fredi Guma 41-vjec nga Fraku i Fierit ka humbur jetën përpara se të mbërrinte në Spital. Drejtori i Spitalit Tepelenë konfirmoi për “Ora News” se mjekët do të punojnë dhe do të qëndrojnë në gadishmëri të plotë.Në Spitalin e Fierit njëzet e pesë të plagosur
Prefekti i Fierit Bujar Hasa në një lidhje telefonike deklaroi se në Spitalin e Fierit janë të shtruar 25 të plagosur dhe një person ka humbur jetën. Duke iu referuar tragjedisë Hasa tha se dyshohet për 10 viktima. Të njëjtën informacion iu referua dhe deputeti socialist Arben Cuko.