Feith paralajmëron “Vëzhgimin Diplomatik të Zgjedhjeve në Kosovë 2010”

Bashkimi Evropian (BE) si partner kryesor i Kosovës ka bërë përpjekje të rëndësishme që t’i mbledhë së bashku vëzhguesit diplomatik nga shtetet anëtare të BE-së dhe vendet e tjera për të inkurajuar që zgjedhjet e ardhshme në Kosovë të jenë në nivel me standardet ndërkombëtare. E koordinuar nga Përfaqësuesi Special i Bashkimit Evropian (EUSR) në Kosovë, Pieter Feith në Kosovë do të shihet vendosja e një numri të konsiderueshëm të vëzhguesve ndërkombëtarë në Ditën e Zgjedhjeve që do të punojnë bashkërisht për “Vëzhgimin Diplomatik të Zgjedhjeve në Kosovë 2010”. Nën ombrellën e “Vëzhgimit të Zgjedhjeve në Kosovë 2010”, më shumë se 120 ekipe për Vëzhgim të Zgjedhjeve do ta vëzhgojnë çdo fazë të procesit të zgjedhjeve në vendvotime nëpër tërë Kosovën. Ekipet për Vëzhgim të Zgjedhjeve do të përbëhen nga pjesëtarë të ICO-së dhe EUSR-së, pjesëtarë të misioneve diplomatike në Kosovë, diplomatë nga shtetet e tjera të BE-së dhe nga rajoni i Ballkanit Perëndimor. Plani i dislokimit do të sigurojë mbulimin e tërë Kosovës dhe do t’i raportohet shtabit qendror operativ gjatë gjithë ditës.