Krasniqi: Jam i pabarabartë në fushatë

-Ushtruesi i detyrës së presidentit të Kosovës Jakup Krasniqi, i cili është edhe kandidat i PDK-së për deputet, ndjehet i pabarabartë në garën zgjedhore. Ai vlerëson se fushata është duke shkuar mirë, megjithëse përdorimin e një gjuhe joargumentuese, ndërsa shpreson se edhe serbët e Kosovës do të jenë pjesë e procesit zgjedhor. Në një konferencë për media të hënën pas takimit me drejtuesit e Rrjetit të Organizatave Evropiane për Monitorimin e Zgjedhjeve (ENEMO), Krasniqi ka thënë se ai është duke bërë fushatë të heshtur për zgjedhjet e 12 dhjetorit. Sa i përket pjesëmarrjes së serbëve në zgjedhje dhe thirrjes së bërë nga i ashtuquajturi ministër serb për Kosovën në Qeverinë e Serbisë, Goran Bogdanoviq për serbët e Kosovës që të mos marrin pjesë në zgjedhje, u.d. presidenti Krasniqi ka thënë se një gjë e tillë është për keqardhje. Ai ftoi qytetarët serbë të Kosovës që ta shfrytëzojnë të drejtën e tyre për të qenë pjesë e proceseve demokratike në Kosovë.