KQZ deri tani ka akredituar 31.273 vëzhgues

KQZ deri tani ka akredituar 31.273 vëzhgues ndërsa, gjatë ditëve në vazhdim pritet edhe akreditimi i vëzhguesve të tjerë. Një ditë para zgjedhjeve do të dihet numri i saktë i vëzhguesve për zgjedhjet për Kuvendin e Republikës së Kosovës.
Kryetarja e KQZ Valdete Daka bëri të ditur që ketë herë do të jetë numri më i madh u vëzhguesve. Sa i përket mospjesëmarrjes së vëzhguesve nga Këshilli Evropian Daka tha se KQZ i ka ftuar të gjitha organizatat për të marrë pjesë, ndërsa për pohimet e zyrtarëve të Këshillit Evropian se nuk kanë pasur ftesë zyrtare Daka tha se nuk është kompetencë e KQZ të deklarohet për këtë. Kryetarja e KQZ-së beson se në bazë të informacioneve që do të marrin nga KKZ-të do të dalin me rezultate brenda 24 orëve sa i përket partive politike ndërsa për kandidat është procedurë më e gjatë.