Arrin kartela grafike Nvidia GeForce GTX 570

Nvidia sapo ka paraqitur kartelën e tyre grafike më të re, GeForce GTX 570 që është e pajisur me 480 CUDA bërthama me shpejtësi prej 1464 MHz, një clock grafik prej 732 MHz, dhe 1.25 GB memorie GDDR5 me shpejtësi 3.8 GHz, dhe që të gjitha do të ofrohen për një çmim prej 349 dolarë.
GTX 570 është i bazuar në një version të “cunguar” të kartelës grafike GF110 që fuqizoi GeFroce GTX 580-in. Megjithëse kufizimet nuk janë edhe aq të këqija, pasi që në realitet janë fikur vetëm një prej 15 shader multiproccesor partitions dhe një prej gjashtë kontrolluesve të memories/ROP partition combos.

Megjithatë ky shkurtim i kartelës GTX 580 mund të mos ia vlejë çmimin e blerjes, derisa të presim super kartelën e lirë që do të prezantojë AMD gjatë javës së ardhshme.