Fejohet zyrtarisht Nada, vajza e Presidentit, me djalin e biznesmenit

Më në fund në familjen presi denciale ka një fejesë zyrtare e tradicionale. Bamir e Teuta Topi e kanë shpallur publikisht fejesën e vajzës së tyre të madhe Nada, me djaloshin 25 vjeçar që i ka rrëmbyer zemrën vajzës së Presidentit të Republikës. Ai quhet Gurten Papuli, dhe për mediat rozë, nuk është aq i panjohur.
Shpeshherë paparacët e kanë kapur Nadën me të dashurin e saj në ambiente publike, por asnjëherë nuk ishte pranuar nga familja presidenciale një fejesë për vajzën e madhe të presidentit.
Në fakt, duket se babai president, kishte vendosur që vajza në fillim të mbaronte studimet e juridikut. Dhe sikurse e kemi shkruar shumë kohë më parë në faqet e Gazeta Shqiptare, Nada jo vetëm përfundoi me sukses, por u vlerësua me medaljen e artë nga fakulteti. Sot ajo punon në Bankën e Shqipërisë, në zyrën juridike, si një juriste shumë e zonja, pasi ka aplikuar dhe ka fituar në pozicionin që ka.
POR KUSH ËSHTË DJALI?
Të jesh dhëndër presidencial, nuk është pak. Këtë fat ka sot edhe 25vjeçari Gurten Papuli. Për të gjithë ata që nuk e njohin, djaloshi, që tashmë ka hyrë dhëndër në vilën “ Etna” në periferi të Tiranës, aty ku qëndron edhe kreu i shtetit, është djali i biznesmenit Agron Papuli. Edhe vetë Bamir Topi, para se të bëhej president njihej me biznesmenin e fuqishëm. Kjo edhe për faktin se të dy kanë qenë kontribuues të mëdhenj të ekipit të futbollit “ Tirana”. Goni dikur ka qenë donator e tashmë ka hequr dorë, ndërsa Bamir Topi, president nderi i këtij ekipi, derisa mori detyrën e Presidentit të Republikës së Shqipërisë.
Të kthehemi tek djali. Ai ka qëndruar për një kohë të gjatë në Angli. Ka përfunduar në vend studimet për gjuhën e huaj angleze, ndërsa tani vazhdon edhe studimet për juridik.
LIDHJANada dhe Gurteni kishin të paktën 3-4 vjet që njiheshin. Por lidhjen e tyre nuk e kishin zyrtarizuar. Bamiri dhe Teuta, në rrëfimet e tyre të herëpashershme e të sinqerta, kanë thënë se kanë dashur shumë më të mirën për vajzat e tyre, ashtu sikurse kanë deklaruar se do të linin të zgjidhnin gjithçka që ato dëshironin. Dhe ja momenti i shumëpritur erdhi. Javën e parë të janarit, fiks më 8 janar 2011, familja presidenciale u mbush me njerëz, që
në fakt, kanë qenë më së shumti familjarë. Në një ceremoni të thjeshtë e familjare, pa shumë zyrtarizma dhe pa shumë të ftuar jashtë rrethit familjar, është fejuar vajza e madhe e presidentit. Ne kemi siguruar dy foto të çiftit nga kjo ceremoni fejese. Siç thonë miq të presidentit Topi, vetë kreu i shtetit dhe zonja e parë ndihen shumë të kënaqur me zgjedhjen e vajzës së tyre. “ Ai është një djalë shumë i mirë” u kanë thënë ata miqve. “ Kishim besim në zgjedhjen e vajzës sonë”. Por ndërkaq, Nada vazhdon të jetojë në vilën “ Etna” që do të thotë se nuk ka bashkëjetesë për çiftin e ri. Dhe kjo është e kuptueshme. Kur hymë përpara vitit të ri 2011 për ambientin festiv në shtëpi, zonja e parë Teuta Topi dhe vetë presidenti na treguan se ata janë një familje shumë tradicionale, aq sa dhe festat fundvitit janë kaluar në mënyrë tradicionale.
Miqtë e presidentit na tregojnë se në datën 8 janar, në vilën Etna është shtruar dreka e fejesës. Kanë qenë pak vetë, mes të cilëve njerëzit familjarë të presidentit, por edhe njerëzit e djalit. Gjithçka është mbyllur me urimet për çiftin e ri.