Real mban gjallë shpresat për titull

Ndonëse patën përballë një ekip mjaft të papërshtatshëm, futbollistët e Real Madridit erdhën deri te triumfi bindës kundër Atletiko Bilbaos me rezultat 3:0 dhe në këtë mënyrë mbeten në garë me Barcelonën për kreun e tabelës.

Të përzgjedhurit e Hoze Murinjos deri te fitorja në xhiron 31, erdhën nga pika e bardhë në minutën 14 dhe 53, ku realizues i suksesshëm ishte Rikardo Kaka, i cili për shkak të vetëbesimit mori përgjegjësinë në vend të Kristiano Ronaldo.

Portugezi në minutën 70 konfirmoi fitoren e madrilenëve duke shënuar edhe golin e tretë.

Pas kësaj fitoreje Real ka 76 pikë në vendin e dytë, pesë më pak se sa lideri Barcelona, e cila në këto momente është duke luajtur si vendës kundër Almerisë.

Real dhe Barcelona do të takohen në “El Klasiko” javën e ardhshme në “Santiago Bernabeu”, ku do të përcaktohet edhe kampioni.

Valencia dhe Vilareal janë shumë larg me pikë për të rrezikuar titullin e kampionit, pasi që kanë 57, përkatësisht 54 pikë, në pozitat tre dhe katër.