Prespa dhe Ohri

Prespa dhe Ohri në "Top njëzetshen" Europiane




"Forbes" ka përpiluar një guidë turistike për këto 2 destinacione të rralla shqiptare që duhen vizituar patjetër këtë vit

POGRADEC- Prespa dhe Ohri zgjidhen nga revista presitigjoze "Forbes" dhe "Lonley Planet" në listën e 20 destinacioneve më të bukura europiane.
Këto ditë përfaqësues të dy revistave i kanë vendosur këto destinacione shqiptare midis 20 vendeve më të zgjedhura turistike.
Madje ata kanë bërë edhe rekomandimet përkatëse duke i udhëzuar turistët për të vizituar vijën ujore të Liqenit të Ohrit dhe
të Prespës si dhe kurorën e maleve përreth saj.
Sipas "Forbes" në motivacion shkruhet "Vizitoni Liqenin e Ohrit dhe të Prespës mes rrugëve të ngushta me erë, që ju çojnë pranë drurëve të mollëve përreth dy liqeneve tek strofkat e zogjve më pas ngjituni lart në Galiçicë kaloni nëpër livadhet e bukura, në majë të Malit të Thatë do të shikoni njëherazi të dy liqenet e Ohrit dhe të Prespës". Ka ardhur kohaqë edhe kjo zonë të ketë turizëmbashkëkohor.
Zona turistike përreth liqenit të Ohrit dhe të Prespës të presë vizitorë t`u tregojë atyre mitet dhe legjendat dhe historitë e saj të lashta të civilizimit, t`iu tregojë atyre që ka qenë qendra e mbretërisë së Samuilit, degëzimet e rrugës
Egnatia dhe kryqëzimet si dhe kullat mesjetare përgjatë rrugës kishat e shumta të shekullit të XII dhe XIV ku ndodhen themelet e qendrave të banuar nën ujërat e këtyre liqeneve.

Vetëm kur e viziton Prespën e ndien thellë mahnitjen nga peizazhet e shumta të saj, liqenet malet që e rrethojnë zonën i
japin asaj një pamje të rrallë. Malet e lartë të bleruar që e kalojnë lartësinë mbi 2000m lugina dhe shpate të vendosur mbi kaltërsinë e liqeneve me brigje të banuar krijojnë atë konfiguracion të papërsëritshëm.
Kështu i mbushur me këto kontraste bukurish me një kulturë të lashtë me ushqim të mirë dhe një mikpritje dhe mbi të gjitha
një shpirt njerëzor. Këto kushte të favorshme klimatike, ujërat e pastra të burimeve përzemërsia e banorëve janë joshëse dhe të krijojnë relaks në çdo stinë të vitit. Por bukuria e vërtetë e Prespës janë dy liqenet e tij katër ishujt në dy liqenet e Prespës.

Më 2 shkurt të vitit 2000 kryeministrat e Shqipërisë, Maqedonisë dhe Greqisë e kanë shpallur Prespën si zonën e parë të mbrojtur në Ballkan. Nga ana tjetër Prespa dhe zona e saj përreth saj po bën hapa të rëndësishme për të zhvilluar turizmin.
Ngritja e Universitetit amerikan për gjithë Europën Juglindore do t`i sjellë Prespës dhe zonës përreth një zhvillim tjetër.
Por ende vihej re që parkushfrytëzohet nga banorët për dru zjarri për ngrohje. Banorët merren me bujqësi, blegtori dhe me peshkim.
Rruga që të çon nga Korça deri në Goricë është drejt një rikonstruksioni të plotë. Nga zona e Prespës ka filluar një emigrim pas viteve të tranzicionit duke e ulur ndjeshëm popullsinë e kësaj zone.
Një peshkatar i vjetër, Sllave Petre thotë se tashmë në peshkim marrin pjesë shumë persona të cilët duan të nxjerrin të ardhura për mbijetesë por shpesh prodhimi na dëmtohet nga mungesa e përpunimit sepse tregun deri në Korçë e kemi larg dhe mundësi
përpunimi këtu tek ne ende nuk ekzistojnë.
Ka ende banorë që nëpër shtëpitë e tyre mbajnë bagëti duke e ndotur ambientin përreth.
Në Prespë na thanë që janë bërë rreth 30 shtëpi model që mund tëpresin turistë por kjo shifër është shumë e vogël me mundësitë reale që ka Prespa.





Marre nga Gazeta Shqip