Jonida Maliqi: Lumturia me djalin Dan!

Zbulohen fotot e këngëtares Jonida Maliqi me djalin e saj Dan Prizrenin. I vogli të enjten mbushi ditët, (40 ditëshi), megjithatë Jonida e ka nxjerrë jashtë në diell edhe para atyre afateve që dikur i vendosnin “plakat”. Këtë, e tregojnë mirë fotot, që ne kemi mundur t’i sigurojmë përmes burimeve tona. Dan Prizreni lindi 3.300 kilogram, në maternitetin “Mbretëresha Geraldinë” përmes një lindjeje natyrale, dhe gëzon shëndet të plotë. Edhe pse gjithkush mund të mendojë se personat publikë kujdesen më shumë për pamjen e tyre se sa për detajet, Jonida që ditën e parë e ka ushqyer të birin me qumësht gjiri, e kështu do vazhdojë të bëjë minimalisht 6 muajt e parë të jetës së tij. E kontaktuar nga Bluetooth, Jonida Maliqi, shprehet se është tërësisht e lumtur tani që ka në dorë, djalin e saj të dëshiruar. “Në spitalin “Mbretëresha Geraldinë” jam ndjerë si në shtëpinë time, ndaj ju jam shumë mirënjohës doktor Halim Kosovës që më ka ndjekur që nga fillimet e shtatëzanisë, madje deri sot, si dhe stafit të tij, për profesionalizmin dhe dashurinë që më dhuruan mua e Danit të vogël”, thotë Jonida Maliqi.