Ja cilat jane shenjat qe tregojne se: ai eshte "princi yt i kalter"

Pajtohemi, dashuria ndonjëherë është e verbër, por ekzistojnë disa tregues të sigurt që vërtetë ke pasur fat, dhe, të shërbehemi me terminologjinë nga përrallat, e ke gjetur princin tuaj, dhe jo bretkosën.

Natyrisht nuk është e lehtë t’i zbuloni këto shenja dhe për to nevojitet kohë. Edhe pse në lidhjet e dashurisë nuk ka rregulla ashpër të definuara, por ne do t’ua kujtojmë disa tregues të cilët tregojnë, nëse nuk je e sigurt, që je në rrugë të mirë.

E respektoni njëri-tjetrin

Ky është njëri nga treguesit më të rëndësishëm. Respekti duhet të ekzistojnë në të dy anët. I dashuri juaj të respekton, për shembull nëse ka vullnet për disa kompromise, gjithmonë të dëgjon me kujdes kur ke ndonjë problem, të vëren që nuk ke disponim të mirë dhe është i brengosur, të pyet për mendim dhe e vlerëson, gëzohet në sukseset tuaja dhe të ngjashme.

Ai i ka karakteristikat që kërkon nga partneri

Mendo se cilat janë ato karakteristika dhe vëri në letër. Kujtohu për të gjitha virtytet që ai i ka dhe krahasoi me ato që i ke shkruar në letër. Lëri vetëm ato karakteristika që janë më të rëndësishmet, pra rreth pesë sosh që janë më kryesoret. Nëse këto i ka i dashuri juaj, atëherë e ke gjetur shpirtin binjakë.

Keni qëndrime të njëjta për vlerat e jetës

Ndoshta kjo në shikim të parë edhe nuk të duket aq e rëndësishme, por kjo është njëra nga gjërat për të cilën duhet të mendosh. Nëse ekzistojnë dallime të mëdha në shikimet tuaja, për shembull qëllimet të cilat dëshironi t’i realizoni, për jetën dhe të ngjashme, kjo në të ardhmen mund të jetë guri në të cilin do të ndesheni.

Për shembull ti je ambicioze dhe saktësisht e di se me çka dëshiron të merresh në jetë, derisa i dashuri juaj nuk ka asnjë vizion, për këtë në të ardhmen herë do kurdo do të mundet lidhja juaj të rrezikohet dhe madje edhe të ndaheni. Mirë mendoni dhe nëse dikush nga ti kërkon ndryshimin e tërësishëm të vlerave tuaja.

Dëgjoje edhe intuitën tuaj

Natyrisht, vetëm në bazë të kësaj nuk duhet kurrë të merret një vendim, por nëse intuita të tregon se diçka nuk shkon, mendo për këtë. Ndonjëherë gjërat zbulohen vetvetiu, kështu që sikur thjesht e dimë që dikush është i përsosur për ju. Megjithatë, intuita jonë mundet edhe të na mashtrojë dhe për këtë kjo duhet të jetë njëri nga treguesi, por jo i vetmi.

Me të mund të jesh ajo që je

Personi i cili është bash për ju nuk do të mundohet t’ju ndryshojë dhe me të mund të jeni lirisht ajo që jeni në të vërtetë. Kjo do të thotë që dikush na pranon edhe përkundër të metave tona.

Kur mund të jemi në lidhje ata që jemi, na përmbush ndjenja e lumturisë dhe lirisë. Për këtë kohë më parë foli edhe Selena Gomez. Këngëtarja dhe aktorja e re e cila është në lidhje me të adhuruarin e adoleshentëve Justin Bieber-in thotë që ndihet e sigurt në lidhje pasi që mund të jetë ajo që është në të vërtetë. “Shumë herë i jam përshtatur djemve, por këto lidhje nuk mbijetuan.

Me Justin-in nuk duhet të jem dikush që nuk jam. Ky është çelësi i lidhjes sonë. Jam e lumtur dhe e dashuruar. Dikur kam menduar dhe bërë lojëra të ndryshme të dashurisë që dikë ta mbajë afër vetes. Tani nuk kam nevojë për gjëra të këtilla.

Nëse duhet të bëni shumë kompromise dhe vazhdimisht të vraponi pas dikujt, atëherë ndaluni dhe pyeteni veten a është ai person i duhuri për ju”, tha Selena e cila për shkak të lidhjes së saj me Justin-in shpesh herë kërcënohet nga adhurueset e tij. (zeriinfo)