Incident ajror pranë Tiranës i një avioni izraelit, bën ulje të detyruar!

Një avion tip Boeing 737-700 ka kryer ulje të detyruar kur një grua në moshë të thyer u gjend në situatë të rëndë shëndetësore ndërsa fluturimi vazhdonte pranë Tiranës, raporton noa.al.

Avioni i linjës ajrore izraelite me numër fluturimi FL350 ishte nisur nga Brukseli për në Tel Aviv (Izrael), në mesditën e djeshme, kur një grua 84 vjeçare u raportua se pësoi atak kardiak gjatë fluturimit, kur avioni gjendej pranë Tiranës në koordinatat 45 nm në veri të kryeqytetit shqiptar.

Piloti nuk ka bërë ulje në aeroportin e Tiranës edhe pse ishte shumë afër por e ka vazhduar fluturimin deri në Brindizi, Itali ku ka bërë ulje emergjente në pistën 31. Gruaja me atak në zemër u dërgua në spitalin lokal kurse avioni rifilloi fluturimin duke mbërritur me 2 orë vonesë në Tel Aviv, bëjnë të ditur burime aeroportuale të Brukselit duke iu referuar fluturimit të nisur nga ky qytet. e.t/noa.al