Klinton uron shqiptarët, SHBA, mike dhe partnere e Shqipërisë!

Sekretarja e Shtetit Amerikan, Hillari Klinton uroi popullin shqiptarë me rastin e 100 vjetorit të Pavarësisë, dhe ka përfituar nga rasti për të kërkuar që zgjedhjet e ardhshme të jenë të lira dhe transparente.

Në një deklaratë përshtyp, ajo vlerëson hapat pozitive që ka bërë Shqipëria ndërsa thekson që duhen bërë hapa përpara me reformën zgjedhore.

“Në emër të Presidentit Obama dhe popullit të Shteteve të Bashkuara, unë jam e kënaqur për t’iu dërguar urimet më të mira për popullin e Shqipërisë, ndërsa ju festoni Ditën e Pavarësisë tuaj këtë 28 nëntor. Që nga themelimi i një republike demokratike, Shqipëria ka bërë përparime të mëdha përpara. Sot, Shqipëria është e gatshme të konsolidojë ato fitore dhe të integrohet në një Evropë që është e tërë, e lirë dhe në paqe. Por kjo kërkon miratimin e reformave të mbetura tani, dhe kryerjen e zgjedhjeve të lira dhe transparente parlamentare pranverën që vjen, forcimin më tej të demokracisë dhe modernizimin e Shqipërisë kështu që t’i përgjigjet nevojave të popullit shqiptar” thekson Klinton.

Gjithashtu sekretarja, Klinton nënvizoi se SHBA-ja do të jetë gjithmonë një mike dhe partnere e Shqipërisë dhe bashkëpunimi mes dy vendeve do të vazhdojë.

“Ndërsa ju festoni me familjet dhe të dashurit, diheni se Shtetet e Bashkuara janë një partner dhe mik. Ne shikojmë përpara për një të ardhme të miqësisë dhe bashkëpunimit të vazhdueshëm”, përfundon deklarata për shtyp e sekretares Klinton.

\Shekulli Online\E.Sh\