Vesa lanson albumin e ri!

Vesa Luma nga sot ka hedhur në treg albumin e saj më të ri “Pop Cult”.
Këngëtarja kosovare duket e ngazëllyer nga produkti i saj, të cilin e quan “një reflektim dashurie me gjithsej 11 këngë”, i cili shënon “një epoke të re të muzikës Pop Shqiptare”.

Gjatë disa postimeve në faqen e saj në Facebook, Vesa ka falënderuar bashkëpunëtorët, fansat, dhe në veçanti të dashurin e saj Big Basta, i cili ka realizuar shtatë këngë të albumit.

“Falënderoj gjithë stafin që punuan fort për më shumë se një vit për të sjellë këtë dhuratë për ju. Ndërsa për iniciatorin e këtij projekti dhe krijuesin e 7 këngëve të këtij albumi -Big Basta – Jam me fat që përtej dashurisë së madhe për ty, kam njohur një profesionist dhe një talent muzikor të jashtëzakonshëm”, ka shkruar këngëtarja.

Vesa do ta promovojë albumin e saj me një sërë koncertesh nëpër Kosovë gjatë muajit shtator, pjesë e një organizimi nga Ministria e Kulturës për muajin e rinisë. /Telegrafi/