Elita 5 se shpejti me album te ri muzikor!

Grupi shumë i njohur i muzikës rock “Elita 5” do të publikojë së shpejti një album të ri. Djemtë e grupit po punojnë intensivisht për të sjellë tek fansat albumin më të ri muzikor. Pritet që në këtë album të ketë edhe shumë surpriza sa i takon muzikës dhe përzgjedhjes së tematikave të këngëve. Albumi do të përmbajë 10 këngë dhe disa këngë të shoqërohen edhe me videoklipe.

Këtë e fakt e ka pohuar edhe vokalisti i grupit, Arif Zyberi në një intervistë për gazetën “Zëri”.

“Jemi në përgatitje për albumin e ri. Ajo që mund t’u them tani për tani është se ky album do të vijë me shumë befasi”, ka theksuar Arifi.

Grupi “Elita 5” është shumë i njohur dhe i pëlqyer nga të gjitha grupmoshat. Pothuajse të gjitha këngët e grupit janë kthyer në hite dhe i kanë rezistuar kohës.

(a.h/BalkanWeb)