Këshillat e gabuara!

Disa gjëra në mjekësi dihen dhe s’ka diskutim. Duhet pirë rreth 8 gota ujë në ditë dhe të ruhemi nga drita e dobët, sepse prishim shikimin. Nuk duhet të rruhemi shpesh sepse kjo përshpejton rritjen e qimeve, e do të ishte mirë edhe t’i ‘zgjerojmë horizontet’ sepse njerëzit përdorin vetëm 10 për qind të trurit.

E pasaktë!

Së paku kështu pohojnë ekspertët nga Universiteti i Indianes në SHBA. Në studim për gabimet më të shpeshta në mjekësi, ata i kushtuan vëmendje atyre që u renditen në repertorin e mashtrimeve të shumë mjekëve.
Në Universitetin e Indianes konsiderojnë se madje shtatë këshilla të gabuara kanë gjetur vend në ordinanca të ndryshme.

Leximi në dritë të dobët prishë shikimin

Kjo bindje sigurisht që rrjedh nga fakti se sytë tensionohen në gjysmë errësirë. Leximi në kushte të tilla është i papërshtatshëm, sepse është më vështirë të ‘mprehim’ shikimin. Më pak i rrahim qerpikët, dhe sytë thahen. Megjithatë përveç papërshtatshmërisë, kjo nuk shkakton pasoja tjera.

Rruaja bënë që qimet të dalin më shpesh

Pavarësisht nga besimi gjithëpërfshirës, që në vitin 1928 është konstatuar se rruaja nuk ka ndikim në shpejtësinë e rritjes së qimeve, si dhe në ngjyrën e tyre. Këtë e konstatoi edhe studimi më i ri, ndërsa qimet e reja janë më të errëta sepse ende nuk janë ekspozuar në diell shumë.

Flokët dhe thonjtë rriten pas vdekjes

Ndonëse në filma shpesh merrte vërtetimin, ky mendim është i pasaktë. Rritja e flokëve dhe thonjve kërkon ‘rregullim të komplikuar hormonal’ që është e mundur vetëm në trup të gjallë. Mashtrimi sigurisht u krijua shkaku i tharjes dhe zvogëlimit të trupit pas vdekjes dhe kështu u krijuan mashtrimet optike.

Njerëzit përdorin vetëm 10 për qind të trurit

Pohimin e famshëm shumica ia përshkruajnë Albert Einstein, ndonëse nuk ka gjurmë të shkruar se këtë e ka thënë pikërisht ai. Dihet se ky mit ekziston që nga viti 1907 e prej atëherë shpesh e përmendin angazhuesit e ‘punës s vazhdueshme me veten’. Megjithatë shumë studime treguan se njerëzit përdorin përqindje shumë më të madhe të trurit. Testet treguan se praktikisht nuk ekziston pjesa e trurit në gjendje të qetë dhe nuk përdoret, thuhet në punën e ekspertëve nga Indiana.

Duhet pirë së paku 8 gota ujë në ditë

Për rrezikun e kësaj këshille nuk ekzistojnë dëshmi shkencore, por shpesh mund të lexohet në shtyp. Mashtrimi sigurisht u krijua nga fakti se një njeriu të rritur i duhet së paku rreth 2,5 litra ujë në ditë. Megjithatë lëngu i vlefshëm, përveç me gota konsumohet edhe me ushqim, e ekziston edhe në lëngje, çaje, kafe...

Mishi i gjeldetit na përgjumë

Ky mit u ‘shtrydh’ nga e dhëna se mishi i gjeldetit përmban triptofan, animo-acid që ndikon në disponim dhe gjumë. Fatkeqësia është në atë se në mishin e gjeldetit nuk ka sasi të madhe të triptofanit. Në fakt po aq sasi ka edhe në mish pule apo lope, ndërsa në mish derri dhe djathë edhe më shumë. Mashtrimin e shkaktoi fakti se gjeldeti zakonisht hahet për kremta si pjesë e shujtës së pasur, ndërsa pas gjithë asaj ngrënie ndjenja e gjumit është e zakonshme, sepse tretja merr energji.

Celularët shkaktojnë pengesa elektromagnetike në spitale

Në SHBA janë publikuar qindra shkrime ku thuhet se celularët shkaktojnë alarme të rrejshme në monitorët dhe mjetet tjera në spitale. Madje edhe ‘Wallstreet Journal’ pati në ballinë një artikull mbi këtë temë. Rezultati ishte ndalimi i përdorimit të celularëve në shumë spitale. Megjithatë ekspertët nuk gjetën dëshmi shkencore për këtë pohim. Me rastin e 510 testeve në 16 mjete mjekësore dhe gjashtë celularë nuk janë shënuar kurrfarë pengesash. Nga ana tjetër është konstatuar se përdorimi i celularëve për komunikim në raport mjek-pacientë zvogëloi numrin e gabimeve dhe diagnozave të vonshme në madje 22 për qind të rasteve.