Ngjarjet traumatike që ngelen në kujtesë, ja fjala e shkencës!

Ngjarjet traumatike që ne kalojmë lënë gjithmonë gjurmë brenda nesh. Çdo situatë e cila do të regjistrohet në memorie nuk do të bëjë gjë tjetër veç se do t’ju sjellë frikë. Nëse e gjithë kjo është pa dyshim një instinkt i mirë i mbijetesës, është gjithashtu e vërtetë se në disa raste mund të ndikojë aq negativisht në jetët tona, saqë mund të na kushtëzojë përherë nga disa veprime.

Me sa duket, në bazë të disa kërkimeve shkencore, është zbuluar një rrugë që anët negative të eliminohen dhe të mos përsëriten më. Ekipi i Columbia University në New York, i drejtuar nga Attila Losonczy, kanë zbuluar se në brendësi të trurit të minjve, për të qenë më të saktë, në hipokamp, ndodhen disa qeliza të cilat quhen interneuroni inibitori. Sipas mjekëve, këto qeliza janë thelbësore sa i përket formimit të memories e cila shoqëron dhe frikën.

Sipas Losonczy, qelizat aktivizohen në mënyrë të menjëhershme pas ngjarjeve jo të mira dhe veprojnë si një rrjetë filtruese, duke bllokuar të gjitha informacionet e padëshiruara që lidhen me ngjarjen.

Sapo mjekët kanë çaktivizuar neuronet që lidheshin me frikën, gjatë eksperimentit me minjtë, ata kanë ndaluar së ndjeri frikë. Studimi, i cili është publikuar në revistën Sience, mund të hedhë bazat për kurimin e stresit post traumatik. /a.s/noa.al/