Asambleja e Partisë Socialiste voton rezolutën e Ramës, rrëzon Blushin

TIRANË(UPDATE) - Ka perfunduar Asambleja e PS-së. Mesohet se me shumice votash eshte miratuar rezoluta e z.Rama. Mbledhja u thirr sot nga Kryetari, Edi Rama, për të analizuar dhe mbajtur një qendrim për zgjedhjet në fakt ka njohur dy qendrime. Në mbledhjen maratonë që filloi në orën 11:00 dhe mbaroi ne oren 19:30 janë lexuar dy rezoluta, njëra e Edi Ramës dhe tjetra e Ben Blushit. Kreu i Partisë në rezolutën e tij mban qendrim kritik ndaj zgjedhjeve, ndërsa Blushi bëri thirrje socialistëve për të pranuar humbjen.


Por kur mbledhjes po i vjen fundi duket se anëtarët e Asamblesë janë orientuar drejt rezolutës së Ramës. Këtë e pohon vetë kundërshtari, Blushi i cili deklaroi pak minuta më parë se "mbledhja e Asamblesë së kësaj partie po zhvillohet në mënyrë të tillë që të mbrojë pozitat e kreut të socialisteve, Rama". Sipas tij, Asambleja po ndërtohet në mënyrë të tillë që të behet korracë mbrojtëse për zotin Rama.


Më tej, Blushi ka thënë se duhet njohur humbja dhe se në këtë humbje jo të gjithë kane të njëjtat përgjegjesi. "Ne mund të kishim folur edhe më parë, por ishim në një betejë elektorale dhe në një beteje të tillë nuk mund të kritikohet kapiteni", tha ai.


Pritet që sot të votohen nga Asambleja dy rezolutat, ndërsa më heret u diskutua, por nuk u arrit në konsensus për shkrirjen e tyre në një të vetme.