Kongresi thirret më 22 gusht, Kryetari votohet në shtator

Anëtari i Kryesisë së PS-së, Erjon Braçe, tha sot se "Asambleja ka vendsur që Kongresi i Jashtëzakonshëm i Partisë Socialiste të thirret më 22 gusht".

Ndërkohë lidhur me rezolutën 2, e paraqitur sot nga mbështetësit e Ben Blushit, për njohjen e zgjedhjeve, Braçe tha se "askush në Asamble nuk doli të thotë se zgjedhjet ishin të ndershme dhe të lira". Ndërkohë po në përgjigjge të Ben Blushit, se Rama duhet të japë doëheqjen në bazë të statutit, Braçe tha se "Ben Blushi është 1 nga 80 mijë anëtarët e PS-së që zgjedhin Kryetarin dhe ai do të lëshojë votën e vet bashkë me mua e të tjerë". Në këtë mënyrë, Braçe la të kuptohet se do të çelen zgjedhjet për Kryetarin e ri të PS-së, që pritet të ndodhë në shtator, pas vendimit që do të marrë Kongresi i Jashtëzakonshëm.

Po kështu edhe Pandeli Majko ka vlerësuar si të përgjegjshëm vendimin e Ramës për të thirrur Asamblenë dhe mbështet rezolutën e paraqitur nga kreu i PS-së. Ai pranon se Ramës i ka përfunduar mandati dhe se do te jetë Kongresi i Jashtëzakonshëm ai që do te vendosë për zgjedhjet e reja në radhët e socialistëve.