Dy kosovarë vdiqën në një aksident në Hungari

37 vjeçari nga Obiliqi, Ilmi Rama dhe 40 vjeçari nga Podujeva, Hasan Berisha ka vdekur dje në mëngjes në një aksident trafiku në afërsi të Segedinas, ka njoftuar Ministria e Punëve të Jashtme të Serbisë, siç transmeton RTS.

Ministria është njoftuar për emrat e të aksidentuarve nga autoritetet hungareze. Mësohet se edhe një person tjetër është lënduar rëndë, mirëpo identiteti i tij nuk është zbuluar. Ai është operuar në spitalin e Segedinas, mirëpo siç njofton policia, gjendja e tij vazhdon të jetë e vështirë.

Të tre të aksidentuarit kanë qenë në një minibus me targa austriake. Aksidenti ka ndodhur pasi minibusi austriak ka goditur një minibus hungarez, i cili ishte i ndalur për shkak të një defekti, ka njoftuar agjencia hungareze MTI.

Dy persona që ndodheshin në minibusin hungarez kanë pësuar lëndime të lehta.