Topi ngushëllon për përmbytje

Siç njoftoi Zyra për Media e Presidencës shqiptare, presidenti u Shqipërisë, Bamir Topi, e ngushëlloi të premten, përmes një mesazhi, presidentin e Turqisë, Abdullah Gul, për viktimat e përmbytjeve masive të ditëve të fundit në Stamboll.

“I dashur mik, me keqardhje mësova për dëmet e mëdha në njerëz dhe në material, gjatë përmbytjeve të fundit në Stamboll”, thuhet në fillim të mesazhit të Topit dërguar homologut turk. “Dëshiroj t’ju shpreh ngushëllimet e mia më të thella dhe të popullit shqiptar për familjet e viktimave dhe të të humburve. E shpreh solidaritetin e popullit shqiptar me ju, në këto çaste të vështira, duke shpresuar që pasojat e dëmeve të kapërcehen në një kohë sa më të shkurtër”, theksohet, mes tjerash, në mesazh.