Vllaznia - Napoli

Zemra kuqeblu, arma që mund të sjellë sukses

KUPA UEFA .. TURI 2 ELIMINATOR Sot, ora 20:30 Stadiumi “Loro Boriçi”, Shkodër Gjyqtarë: Igor Jegorov, Vladislav Khodejev, Andrej Malorodov (Rusi)

Hysen Zmijani, një nga ikonat e Vllaznisë dhe të futbollit shqiptar në vitet ‘80-‘90, beson te vlerat e kuqebluve dhe mbetet me shpresën se lojtarët do të dinë t’i shpalosin në fushë ato, për të marrë një rezultat të madh kundër Napolit. I mësuar me përballje të mëdha ndërkombëtare gjatë karrierës si futbollist, Zmijani thotë se çdo gjë është e mundur nëse skuadra luan me shpirt, duke vendosur zemrën në fushë. “Midis Napolit dhe Vllaznisë nuk mund të bëhen krahasime dhe për këtë nuk ka pse të na vijë keq”, thotë Zmijani. “Futbolli italian është ndër më të përparuarit në botë, kombëtarja italiane është kampione e botës dhe diferencat e skuadrave italiane me ato shqiptare janë të dukshme. Në të tilla kushte, për të arritur një rezultat pozitiv duhet lojë me shpirt luftarak. Lojtarët duhet të lënë zemrën në fushë, të luajnë të përqendruar në maksimum. Vetëm kështu mund të arrihet një rezultat pozitiv”. Ish-mbrojtësi energjik merr si shembull kohën kur luante vetë, për të treguar se djemtë kuqeblu mund të arrijnë atë që ëndërrojnë. “Kur luaja futboll me kombëtaren, jemi përballur me skuadra që në letër ishin shumë më lart se, por me zemër dhe disiplinë kemi arritur rezultate befasuese”, thotë Zmijani, protagonist i Shpresës së madhe të viteve 1982-83 dhe i kombëtares së Shyqyri Rrelit që më 1984 guxoi të pretendonte kualifikimin në botëror. “Prandaj, nuk do të habitesha nëse Vllaznia arrin rezultat pozitiv kundër Napolit. Me rezultat pozitiv ADMIR URUÇI kam parasysh edhe barazimin, por futbolli është befasues dhe mund të shpresohet edhe për fitore. Asgjë nuk është e pamundur”. Zmijani shton se skuadra e Agim Canajt, dikur një tjetër lojtarkyç i Shpresës së famshme të Ramazan Rragamit, duhet të shfrytëzojë më së miri statusin e atij që nuk ka asgjë për të humbur. “Napoli është favorit, ndërsa ne nuk kemi asgjë për të humbur. Duhet ta shfrytëzojmë këtë gjë, shpeshherë i ka nxjerrë faqebardhë skuadrat e vogla në letër”, shpjegon Zmijani. “Lojtarët duhet t’i lënë jashtë fushe emocionet e kësaj përballjeje të madhe, ndërkohë që uroj që edhe që Napoli ta ketë marrë pak lehtë këtë takim me ne. Lojtarët kanë shansin të hyjnë në histori, bashkë me Vllazninë. Besoj te mrekullitë dhe uroj që një e tillë të ndodhë nesër (sot) në “Loro Boriçi”, kundër Napolit”.

Shkodranët munden 0-3 nga Napoli.

1’ Napoli luan topin e parë, por shkodranët vihen në zotërim e Sukaj gjuan nga larg, jashtë.
4’ Krosim nga një goditje të lirë nga e djathta, Sukaj godet me kokë, mbi tra.
13’ Goditje e lirë nga e majta për Napolin, pas krosit gjuan me kokë Pacienca dhe Denis, pranë shtyllës, nuk arrin ta devijojë drejt rrjetës.
20’ Vllaznia pranë golit! Krosim i Osjes nga këndi, Jeco gabon në dalje dhe nuk e kap topin, por Nallbani nuk arrrin të gjuajë drejt portës.
28’ Gjuajtje pothuajse nga mesi i fushës nga Kaçi, por Jeco është i vëmendshëm dhe pret qetë.
28’ Napoli kalon në epërsi. Kundërsulm nga e djathta, Maxho kroson, topi devijohet dhe Pià gjuan i pambuluar dhe shënon, duke përfituar edhe nga
një hezitim i Telit. Tipike shqiptare, mungesë vëmendjeje dhe pësim atëherë kur nuk pritet. 0-1.
31’ Pià pranë golit të dytë, teksa del përballë Bishanit, por portieri tregohet më i shpejtë dhe i heq topin nga këmbët.
47’ Pià shënon golin e dytë. Pas një topi nga Denis, braziliani mposht Telin në një duel shpejtësie, madje përfiton nga shtyrja e lehtë e shkodranit, dhe kalon topin mbi portierin Bishani. 0-2 për Napolin.
62’ Top i gjatë nga mbrojtja për Sukaj, shkodrani lë pas dy mbrojtësit e Napolit dhe gjuan menjëherë, por pret Jeco.
64’ Sukaj gjuan nga jashtë zonës me të majtën, Jeco grushton shkëlqyeshëm, duke devijuar në goditje nga këndi.
66’ Aksion i Licit, që hyn në zonë dhe lirohet bukur nga Rinaudo, por ky i fundit e pengon. Penallti e pastër, por Lici fiton vetëm një karton të verdhë për simulim.
73’ Sukaj gjuan bukur me të majtën nga jashtë zonës, pa gjetur kuadratin e portës.
75’ Denis shënon golin e tretë. Argjentinasi hyn me galop në zonë, në ndjekje të topit të ardhur nga e djathta dhe godet saktë në këndin e kundërt
të portës. 3-0 për Napolin.
77’ Aksion personal i De Zerit, hyn në zonë duke shmangur mbrojtjen dhe gjuan, por vetëm rrjetë e jashtme.
90’ Goditje e lirë në pozicion ballor për Vllazninë. Gjuan Sukaj, topi devijohet dhe shkon drejt e në duart e portierit Jeco.