Statusi i Shqipërisë, Berisha takon Merkel: Gjermania, jo pengesë

TIRANË - Kryeministri Sali Berisha ka deklaruar se Gjermania s'do të bëhet pengesë për shqyrtimin e statutit të Shqipëri për vend kandidat i BE-së. Ai bërë këtë deklaratë pas takimit me kancelaren gjermane Angela Merkel. I pyetur nga gazetaret, Berisha tha se bojktoi i opozites ka ndikuar ne opinionin e europianeve per Shqiperine.


Në faqen zyrtare të Kryeministrisë shkruhet se "Kancelaria gjermane Angela Merkel e siguroi Kryeministrin Berisha se do të bëjë të gjitha përpjekjet për zgjidhjen sa më të shpejtë të mundshme të problemit teknik lidhur me konstituimin e Parlamentit gjerman."



Në mbledhjen e fundit të ministrave të jashtëm të BE-së nuk u ra dakord të nisin bisedimet për statusin e Shqipërisë dhe natyrisht Gjermania ishte një pengesë kryesore.



Por Kryeministri ynë ngulmon se kjo është vetëm një çështje teknike dhe jo politike. Sipas tij progres-raporti bëri vlerësime pozitive për Shqipërinë. "Mendoj se ministri i Jashtëm i Holandës e shpjegoi shumë qartë. Duhej Raport Progresi, në qoftë se bëhej fjalë për një problem politik, por në qoftë se bëhej fjalë për marrëdhënie që i përkasin qeverisë gjermane me parlamentin gjerman, ky është një problem kushtetues ligjor", tha Berisha.



Në bazë të ligjeve gjermane, Gjykata Kushtetuese gjermane duhet ta konstituojë Parlamentin para çdo vendimi që ka të bëjë më Bashkimin Evropian.


Lidhur me bojkotin e opozitës, Berisha u shpreh se "është në një moment shumë të papërshtatshëm për vetë pamjen e vendit, por duke qenë një akt pa asnjë arsye ligjore nuk mund të bllokojë proceset që janë të një rëndësie kapitale për vendin".