Moda “zbret” në Tiranë!

Tirana Fashion Week

"Tirana Fashion Week", pritet të organizohet së shpejti në kryeqytet, ku do të prezantohen 98 modele, konkurrente për të qenë pjesë e sfilatave, që do të zhvillohen gjatë kësaj jave. E organizuar nga stilisti Joni Peci, i cili ka të drejtën ekskluzive të zhvillimit të këtij aktiviteti, "Tirana Fashion Week", do të ngjisë në pasarelë, jo vetëm stilistë nga Shqipëria, por edhe jashtë saj, të cilët do të prezantojnë veshjet e tyre dhe tendencat e fundit.

Kjo ngjarje e madhe për botën e modës së brishtë shqiptare do të zgjasë për një javë dhe gjatë çdo mbrëmjeje, secili nga stilistët pjesëmarrës do të prezantojë koleksionin e tij personal. Ideja e një jave mode në Tiranë është e stilistit tashëm me famë botërore Joni Pecit, i cili i sjellë tashëm çdo vit një ngjarje e cila karakterizohet nga ngjyrat, tendencat dhe stilet më të reja që ofrojnë stilistët. Pjesëmarrës besnikë të kësaj ngjarje të rëndësishme për fushën e modës që zhvillohet në Shqipëri janë edhe stilistët nga Kosova. Ndër emrat më të njohur të shkollës së modës përfaqësojnë atje koleksionet e tyre më të reja përballë dhjetëra stilistëve nga gjithë Ballkani.

Ky eveniment organizohet nga J.P.F.G. (Joni Peçi Fashion Group) ndërsa e ka bërë traditë ku stilisti natën e fundit prezanton koleksionin e tij të ri.