Mas: Strategjia për veriun e Kosovës i kontribuon stabilitetit

Beograd, 12 shurt - Ambasadori gjerman në Beograd Volfram Mas tha se përmbahet nga komentet për zhvillimet në Kosovë, meqë për Kosovën është i ngarkuar kolegu i tij në Prishtinë. Megjithatë ai theksoi se përpjekjet për vendosjen e hapësirës unike juridike dhe doganore në Kosovë, siç është paraparë me rezolutën 1244, nuk rrezikon stabilitetin, përkundrazi i kontribuon stabilitetit, tha ambasadsori gjerman, duke komentuar pohimet se plani i Grupit Drejtues Ndërkombëtar për Kosovën do të destabilizojë situatën në veri të vendit. Ambasadori gjerman tha se strategjia për veriun e Kosovës nuk është kusht për eurointegrimet e Beogradit. "Askend nuk e kam dëgjuar të thotë që Serbia duhet të ndërpresë lidhjet me veriun e Kosovës. Kjo nuk do të ishte në përputhje me përfytyrimet tona të marrëdhënieve të fqinjësisë së mirë", tha ambasadori gjerman për shtypin serb.