Festohet 8 Marsi, gratë në aktivitete dhe tubime!

TIRANE- Dita Ndërkombëtare e gruas, 8 Marsi kujtohet sot në Tiranë me një sërë aktivitetesh.

Ministria e Punës, Çështjeve Sociale dhe Shanseve të Barabarta në bashkëpunim edhe me delegacionin Europian në Tiranë dhe Ambasadën Spanjolle do të organizojnë një konferencë për rolin e gruas në shoqëri, dhe rritjen e rolit të vendimmarrjes.

Sipas njoftimit paraprak, në aktivitet do të jetë i pranishëm edhe ambasadori spanjoll Manuel Montobio, si dhe ambasadori i delegacionit te KE, Helmut Lohan.

Shoqata e grave do të jetë e pranishme në këtë ditë më tubime që kanë në qendër gruan. "Grate bejne histori cdo dite" është tema e tubimit të planifikuar për të dëshmuar që kujdes, vëmendje dhe më shumë të drejta duhet kërkuar cdo ditë e jo vetëm në atë Ndërkombëtare.