Dashuria e shkruar në grupin e gjakut!

Grupi i gjakut, të cilin e trashëgojmë nga prindërit, është një gjë e rëndësishme që e marrim me të lindur. Disa thonë se grupi i gjakut ka rëndësi edhe në përjetimin dhe shprehjen e ndjenjave dhe emocioneve.

Grupi i gjakut O
Femrat me këtë grup të gjakut, nga mashkulli i tyre kërkojnë lumturi, kënaqësi dhe butësi. Femra ndjenë nevojë të madhe për martesë, e cila del nga nevoja që të dëshmohet me anë të martesës dhe krijimit të familjes. Si bashkëshorte, femrat me këtë grup të gjakut sundojnë nga prapavija dhe shpesh marrin pjesë në ndërtimin e karrierës së burrit të tyre.

Meshkujt me këtë grup të gjakut janë shumë të interesuar për femra, janë aktivë në këtë drejtim dhe për këtë shkak femrat i vërejnë shumë lehtë. E meta e këtyre meshkujve është se nuk janë edhe aq besnikë, meqë gjërat u mërziten shpejt, gjë që nuk dmth se në martesë nuk dinë të jenë besnikë.

Grupi i gjakut A

Femrat dhe meshkujt me këtë grup të gjakut janë mjaft demokratikë në lidhje, e respektojnë partnerin dhe kualitetet e tij. Por, për shkak të natyrës emotive dhe të ndjeshme, i zbulojnë ndjenjat e tyre vetëm kur të jenë plotësisht të sigurt se nuk do të refuzohen. Femra me këtë grup të gjakut bëhet një nënë e cila përkrahë fëmijët e saj, por edhe kërkon shumë nga ta.

Meshkujt me grup të gjakut A shpesh nuk janë interesant për femrat në shikim të parë, vlerat e tyre ato i zbulojnë vetëm pasi që të jenë në lidhje për një kohë të gjatë. Kualiteti më i madh i meshkujve me këtë grup të gjakut është se janë të përkushtuar ndaj familjes në tërësi. Atyre u pëlqejnë kualitetet e gruas së tyre, të cilat edhe i theksojnë.

Grupi i gjakut B

Femrat me këtë grup të gjakut në dashuri presin kënaqësi, lumturi dhe që të duhen pa kufi, duan vëmendjen e vazhdueshme të burrit të tyre. Në lidhjet e dashurisë kanë kërkesa të tepërta, prandaj më vështirë vendosin për martesë. Përndryshe, janë tepër të përkushtuara ndaj familjes.

Meshkujt me këtë grup të gjakut i respektojnë femrat në një mënyrë të veçantë. Femrës së tyre të zgjedhur ata i rezervojnë një trajtim mbretëror. Por, e meta e tyre është se më shumë janë të prirë që të imagjinojnë, sesa që të ballafaqohen me probleme të jetës së përditshme.

Grupi i gjakut AB

Femrat me këtë grup të gjakut adhurojnë meshkujt me shpirt aventurist, por kënaqen në dashuri vetëm derisa u lejohet që të jenë mistike. Si nëna, përshtaten shumë me nevojat e fëmijëve, janë të buta dhe nuk kanë shumë kërkesa. Janë miq të fëmijëve të tyre, por pa e tepruar.

Specialiteti i meshkujve me këtë grup të gjakut është joshja, vardisja. Janë mjeshtër të mëdhenj për vardisje, por këtë gjë e bëjnë mirë dhe pa e tepruar.