Protesta,sod ne diten e 8,

TIRANË- Greva e urisë së deputetëve të PS-së dhe mbështetësve të tyre në cadrat para kryeministrisë ka hyrë sot në ditën e tetë.

Nata në cadra ka kaluar me më shumë probleme se më parë, pasi energjitë sa vijnë e shterin, por jo vendosmëria e grevistëve për t'i shkuar deri në fund misionit të tyre. Realizimin e transparencës së zgjedhjeve me çdo kusht.

Deputetja, Mimi Kodheli, që ka vizituar në mëngjes kolegët dhe grevistët e tjerë ka deklaruar se gjendja shënon rëndim dhe kjo është e kuptueshme.

"Nuk ka kthim mbrapsh. Fillimi i diskutimeve tona në tryezë fillon te hapja e kutive. Kjo është përgjigja jonë, që i kemi dhënë dhe Partive Popullore. Kemi 10 muaj që kemi kërkuar të dialogojmë me maxhorancën, por ky dialog duhej të ishte bazuar në vërtetësinë e zgjedhjeve të 28 qershorit"- tha Kodheli, duke iu përgjigjur apelit te PPE-se për nisjen e dialogut.