PD-ja, akuza Ramës: Po shkel ligjet dhe konventat për grevat e urisë

TIRANË- Partia Demokratike përmes zëdhënëses së saj ka akuzuar sot
kreun e PS-së, Edi Rama si shkelës të ligjit dhe konventave për grevat e
urisë, duke i kërkuar të bëjë transparencë për gjendjen shëndetësore të
grevistëve.


Përmes një deklarate për shtyp, zëdhënësja Erla Mëhilli ka theksuar se
Rama së bashku me Ruçin, vazhdojnë të bllokojnë shërbimin zyrtar
shëndetësor për grevistët, duke u dëshmuar kështu shqiptarëve se cfarë
janë të aftë të bëjnë në kurriz të shëndetit të njerëzve bllokmenët e
rinj me në krye Edi Ramën.

"Me këtë qëndrim i kujtojmë zotit Rama se po shkel rëndë jo vetëm
ligjet e vendit dhe Kushtetutën, e cila u garanton shërbim shëndetësor
gjithë qytetarëve në nevojë të këtij vendi, por po shkel njëkohësisht
Konventat e Gjenevës dhe Vendimet e Gjykatës së Strasburgut mbi cështjet
e grevës së urisë dhe të burgosurve"- tha ajo.

Në emër të PD-së ajo ka kërkuar të bëhet transparencë urgjente, të
lejohen ekipet zyrtare shëndetësore të kontrollojnë shëndetin e
grevistëve e të mos kenë frikë nga transparenca e gjendjes shëndetësore
të tyre.
Shekulli