"Lajme ..Flash"...Indonezi, mbi 50 të vdekur nga vullkani

Të paktën 50 persona kanë vdekur si pasojë e shpërthimit më të fundit të vullkanit në malin Merapi në Indonezi, duke dyfishuar bilancin e viktimave të vullkanit që nga koha kur ai u bë aktiv sërish javën e kaluar. Vullkani Merapi në ishullin Java ka shkaktuar gjithashtu edhe rreth 60 të plagosur. Reja e hirit e provokuar nga mali i zjarrtë ka arritur në një lartësi prej 8 km. Merapi ka nisur fazën shpërhtyese në datën 26 tetor duke provokuar fillimisht vdekjen e 36 personave. Sipas autoriteteve përreth malit vullkanik, janë evakuuar rreth 90 mijë banorë. Me shpërthimin më të fundit të Merapit, autoritetet kanë zgjeruar perimetrin e sigurisë, duke bërë që zona e evakuimit të banorëve të jetë nga 15 në 20 km distancë nga vullkani. Kompanitë ajrore janë njoftuar ndërkaq që të përshkojnë rrugëtime alternative për shkak të resë vullkanike. Pas disa vlerësimeve të kryera në zonë, UNICEF ka dërguar ndihma për banorët e prekur nga tragjedia, kryesisht për të pastrehët. Me shtimin e numrit të viktimave nga shpërthimi më i fundit i Merapit, bilanci i viktimave ka arritur në rreth 90 persona.