Thaçi vazhdon me premtimet (jo)realiste për vizat

Prishtinë - Kryeministri në largim Hashim Thaçi ka përsëritur se liberalizimi i vizave për Kosovën do të ndodhë për 15 muaj. Ditë më parë eurodeputetet Doris Pak dhe Ulrike Lunaçek kanë tërhequr vërejtjen se premtimet e Thaçit janë jerealiste dhe se ende s'ka ndonjë datë të vizave për Kosovën. "Për 15 muaj, nga janari i vitit të ardhshëm, do të ndodhë liberalizimi i vizave. Ne do ta meritojmë liberalizimin e vizave. Brukseli nuk do të vonohet si deri më tash për perspektivën evropiane të Kosovës", është shprehur Thaçi në një intervistë për Radio Evropën e Lirë. Mbase gjithnjë në kuadër të premtimeve të fushatës zgjedhore, Thaçi thotë se brenda mandatit katërvjeçar "do ta integrojë Kosovën në NATO si dhe do ta ofrojë për t'u integruar në BE dhe në OKB". Sa i përket vërejtjeve për premtimet jorealiste, Thaçi kritikoi Brukselin për vonesa "me agjendën për Kosovën evropiane", duke shtuar se Kosova ka "merituar edhe udhërrëfyesin, edhe liberalizimin e vizave". Sepse, sipas tij, institucionet kanë "implementuar shumë standarde demokratike", madje siç u shpreh "më tepër se disa vende të tjera të rajonit". Bashkimi Evropian duhet ta tejkalojë paqartësinë që ka për të ardhmen evropiane të Republikës së Kosovës. Unë besoj në Kosovën evropiane dhe kjo do të ndodhë. Kam kontakte të vazhdueshme me B