Tavë Elbasani

Vizitor: Vizitor

Post n°1

Tavë Elbasani

Mesazh nga Vizitor 3/7/2011, 17:31

Përbërësit:

* 1 kg mish qengji,
* 1 kg kos të trashë ose të përzier
me ajkë,
* 2 lugë gjalpë,
* 2-3 thelpinj hudhër të shtypur,
* 8-10
kokrra vezë,
* 2 lugë miell,
* kripë, vegetë, specall, piper.

Përgatitja:

Nëse është mish qengji i ri, pritet në copa racioni,
kriposet, vendoset në tavë me yndyrë të nxehtë dhe futet në furrë për t’u
pjekur. Kohë pas kohe, nëse ka nevojë, i shtohet nga pak ujë i nxehtë. Në të
kundërtën, hidhet në tenxhere për t’u zier, e gjysmë i zier, vendoset në tavë,
ku i hidhet pak supë dhe dy lugë gjalpë. Futet në furrë të nxehtë me temp. 200ºC
që të piqet. Ndërkohë tunden vezët me kos, shtohen hudhrat e shtypura, mielli i
ulur në pak ujë dhe lëng mishi, kripa, vegeta, piperi. Tavës me mish i hidhet
një lugë specall, pastaj mbi mish derdhet masa e përzier e vezëve dhe rrafshohet
në tërë tavën. Futet në furrë edhe për disa çaste, sa të mpiksen vezët, por të
mbesin të buta. Shërbehet e nxehtë.

Vizitor

Vizitor: Vizitor

Post n°2

Re: Tavë Elbasani

Mesazh nga Vizitor 3/7/2011, 17:32

Salmon me salcë
domatesh
Tavë Elbasani F.0328231455415_m

Përbërësit:

*
4 fileta salmoni nga 150 gr,
* 3 dcl vaj ulliri,
* 1 qepë,
* 4-5
domate të mëdha,
* 2-3 thelpinj hudhre, kripë, 1 lugëz e rrafshuar sheqer,
disa fletë fesligjen (borzilok),
* 50 gr gjalpë,
* 1/5 kg spinaq të
freskët, disa kokrra ulliri, majdanoz,
* 3 dcl verë të bardhë,
* 2 lugë
uthull,
* 1 lugë gjalpë,
* 1 lugë miell,
* 2 dcl
qumësht.

Përgatitja:

Çdo copë e salmonit pritet horizontalisht në
tri fileta. Kriposen, u hidhet vaj ulliri dhe qëndrojnë në vend të ftohtë.

Qepa e grirë në rende fërgohet 4 minuta në vajin në të cilin është marinuar
salmoni. Shtohet hudhra, përzihet 2-3 herë sa ta lëshojë aromën, pastaj shtohen
domatet e qëruara dhe të prera në katrorë të vegjël. Në zjarr të ngadaltë zihen
domatet 40 minuta. Para përfundimit, hidhet1 lugëz sheqer, kriposet sipas shijes
dhe hidhet fesligjen i prerë imët ose i tharë. Në vend të salcës së përgatitur,
mund të përdoren 4 lugë pure domatesh e gatshme, por ajo e përgatitur, është më
e shijshme.

Spinaqi i përvëluar e i kulluar fërgohet në gjalpë 2 minuta.
Në një lugë gjalpë fërgohet mielli 1-2 minuta. Shtohet qumështi dhe, duke e
përzier vazhdimisht, vlohet salca edhe 3-4 minuta gjersa të trashet.

Në
tepsi të lyer me yndyrë radhiten 4 fileta salmoni, mbi vihen fleta spinaqi,
pastaj beshamelli e mbi të purea e domateve. Prapë vihet nga një filetë salmoni,
spinaq, beshamell dhe mbulohet me salmon. Hidhen verë dhe uthull dhe futet në
furrë të nxehtë me temperaturë 200 gradë C për t’u pjekur për afro 15 minuta.
Salmoni i pjekur vendoset në 4 pjata e përreth, derdhet lëngu në të cilin janë
pjekur. Zbukurohet me ullinj dhe fleta
majdanozi.

Vizitor

Vizitor: Vizitor

Post n°3

Re: Tavë Elbasani

Mesazh nga Vizitor 3/7/2011, 17:34

Pulë e mbushur me oriz
Tavë Elbasani F.0403235220384_m

Përbërësit:

* 1 pulë afro 1 ½ kg
* 1 filxhan çaji oriz (basmati)

* 100 gr gjalpë
* 1 qepë
* 1 lugë mustardë(senf)
* kripë, piper

* vegetë, ruzmarin të freskët ose të tharë

Pula pastrohet, fshihet,
lyhet nga të gjitha anët me mustardë. I hidhet kripë, piper, vegetë dhe
ruzmarinë. Në ndërkohë, zihet orizi 10 min. në ujë me kripë. Qepa e grirë imët,
fërgohet në 50 gr gjalpë gjersa të zbutet. Hidhet orizi i kulluar, fërgohet pak
me qepë, hidhet pak kripë e vegetë dhe me këtë masë orizi, mbushet pula.
Vendoset në tavë ku do të piqet, mbi i hidhet pjesa e mbetur e gjalpit e nxehur
mirë,por jo e djegur dhe ½ gotë ujë. Pula mbulohet me alufolie dhe futet në
furrë të nxehtë me temp.200 gradë Celsius për t’u pjekur 1 orë.

Zbulohet
nga folia, laget me lëngun të cilin e lëshon gjatë pjekjes dhe vazhdon të piqet
edhe 30 min. gjersa të skuqet mirë.

Shërbehet me mbushjen dhe sallatë
sipas dëshirës.

Re: Tavë Elbasani

Mesazh nga Sponsored content

BOTASHQIPTAREFORUM

Tavë Elbasani

Tavë Elbasani

Re: Tavë Elbasani

Re: Tavë Elbasani

Re: Tavë Elbasani

Similar topics

Similar topics