Thaçi në familjen Zymberi: Djali juaj bashkoi Kosovën

Kryeministri Hashim Thaçi, vizitoi sot familjen e policit të vrarë
Enver Zymberi. Burimet zyrtare thanë se kreu i qeverisë Thaçi i shprehu
ngushëllimet më të thella familjes së heroit të Kosovës.

Thaçi tha se Zymberi ka qenë një nga ata që është sakrifikuar për
shtetin dhe ka bashkuar Kosovën në përpjekjen e saj për sovranitet.

Bashkë me kryeministrin, të pranishëm ishin edhe ministri i
Brendshëm, Bajram Rexhepi, një delegacion i lartë i Qeverisë dhe
kryetarë komunash.

Ministri Rexhepi tha se ka indikacione të qarta për ata që e vranë
policin Enver Zymberi dhe tha se shumë shpejt do të ndërmerren masa,
ndërkohë që i premtoi familjes se do të kenë gjithë kujdesin
institucional, si dhe ndaj gjithë policëve të rënë në detyrë