Dell: Duhet të ketë lëvizje të lirë dhe jo bllokim të rrugëve

Ambasadori
i SHBA-ve në Kosovë, Kristofer Dell, ka folur për herë të parë pas
situatës së tensionuar në veri të Kosovës, duke kërkuar që të vazhdojë
lëvizja e lirë e qytetarëve dhe të mos ketë bllokim të rrugëve nga ana e
serbëve.
Ai këto komente i bëri të mërkurën gjatë dorëzimit të
çelësave të dy minibusëve për komunën e Graçanicës dhe gjithashtu mori
pjesë në vendosjen e gurthemelit për ndërtimin e qendrës kulturore në
fshatin Badovc.

Ambasadori amerikan pas takimit me kryetarin e Graçanicës, ka dalë
për të dorëzuar çelësat për dy minibusët. Me këtë rast ai ka thënë se
lëvizja e lirë duhet të vazhdojë, ngase njerëzit zhvillojnë jetën dhe
biznesin e tyre.