Mubarak mohon të gjitha akuzat

Ish-presidenti egjiptian Hosni Mubarak i ka mohuar të gjitha akuzat
kundër tij në fillimin e gjyqit ndaj tij, i cili ka nisur sot në Kajro.


Mubarak është akuzuar për korrupsion dhe komplote për të vrarë
protestuesit gjatë kryengritjes së muajit shkurt që i dhanë fund
sundimit të tij afro 30-vjeçar.



Nëse shpallet fajtor për vrasjen e protestuesve anti-regjimit, ai mund të përballet me dënimin me vdekje.



Djemtë e tij, Gamal dhe Alaa, që u shfaqen në një rrethojë të hekurt,
po ashtu janë deklaruar si të pafajshëm për akuzat e mashtrimit.



Mubarak, dy djemtë e tij, ish-ministri i brendshëm dhe gjashtë
zyrtarë të tjerë të lartë të policisë përballen me akuza të ngjashme.



83-vjeçari Mubarak u soll në një barelë në sallën e gjyqit, ndërsa
avokati i tij mbrojtës ka treguar se Mubarak është sëmurë rëndë.



850 persona janë vranë gjatë kryengritjes se Mubarak duke detyruar atë të jap dorëheqjen në shkurt.