Aksident tragjik në Pejë, katër të vdekur

Katër persona kanë vdekur si pasojë e një aksidenti që ka ndodhur
rreth orës 18.00 të ditës së shtunë në rrugën Prishtinë-Pejë, në hyrje
të Pejës.


Aksidenti ka ndodhur si pasojë e shpejtësisë tejet të madhe të dy
veturave të përfshira në akident, ku dy pasagjerë kishin ndërruar jetë
menjëherë, ndërsa dy të tjerë janë dërguar në gjendje kritike, të cilët
pas pak kohe kanë ndërruar jetë.


Zëvendëskomandanti i komunikacionit në policinë e Pejës, Agim Pantina
i cili gjendej në vendin e ngjarjes, tha se rezultat i aksidentit është
shpejtësia e madhe.