Vjen në Shqipëri finalja e botës në shah për femra!

Federata Ndërkombëtare e Shahut (FDIE) pas vlerësimit të ofertave për
Kampionatin Botëror të Ndeshjeve të Shahut 2012 dhe rekomandimeve të
Kampionatit Botëror dhe Komisionit të Olimpiadave, ka shpallur
përfundimisht organizimin e ndeshjes në Federatën Ruse të Shahut,
ndeshje që do të zhvillohet në Maj të 2012 në Skolkov, Moskë, Rusi dhe
do të luajnë Kampioni i Botës, Vishwanthanan Anand nga India dhe
kandidati tjetër, Boris Gelfand nga Izraeli. Çmimi për fituesin do të
jetë 2,550,000 dollarë amerikanë.

Po ashtu, FIDE njofton me kënaqësi që Ndeshja finale e Kampionatit
Botëror të Shahut për Femra që do të zhvillohet mes kampiones së Botës,
kinezes Hou Yifan, dhe sfidueses Humpy Koneru nga India, do të
zhvillohet në Tiranë, Shqipëri, në Nëntor të 2011. Çmimin për fituesen
do të jetë 200,000 euro.
Për ndeshjen e parë, FDIE falenderoi Federatën Ruse të Shahut për
ofertën dhe se do të punojnë së bashku për t’u siguruar se ndeshja do të
zhvillohet me të njëjtat kushte për të dy lojtarët.
Presidenti i FDIE tregoi vlerësimin e tij për angazhimin e rëndësishëm
që udhëheqja ruse ishte duke pregatitur për prezantimin e një programi
shkollor për shahun kombëtar në nivel rajonal dhe Federal, me investime
të konsiderueshme që duheshin bërë për zhvillimin në këtë fushë kryesore
.

Presidenti i FIDE, Kirsan Ilyumzhinov shprehu mirënjohjen e tij edhe
për Federatën e Shahut në Indi cila kishte punuar shumë për tu futur në
këtë ofertë konkuruese me mbështetjen e Qeverisë së Tamil Nadus. Dhe
falenderimi i fundit, i shkon Shqipërisë që për herë të parë ofron
Kryeqytetin e vet për një ndeshje finale.

Në kuadrin e angazhimit të treguar nga AICF dhe vlerësimin e FIDE
drejt zhvillimit të shahut në Indi, AICF do t’I jepet një mundësi e parë
prej tre muajsh pas ndeshjes në Moskë, për të bërë një propozim për
organizimin e Ndeshjes së Kampionatit Botëror të Shahut 2013.