Kengetarja e re Kieda Budini!

Duke qënë se jeni një artiste e re në tregun muzikor shqiptar, na trego disa fjalë për veten…

Unë jam Kieda, një vajzë me origjinë kosovare, por e lindur në Fier. Aktualisht gjëndem në Tiranë duke studiuar në Akademinë e Arteve për kanto.

1.Si ka lindur pasioni yt për këngën?

Pasioni im për këngën ka filluar shumë herët, që në moshën tetë vjeçare. Për herë të parë kam dalë në skenë në qytetin tim të lindjes dhe që atëherë, nuk i jam ndarë asnjëherë muzikës.

2. Sa te nevojshme e ke pasur suportin e personave të tu të dashur për të vazhduar rrugëtimin tënd drejt këngës? Cili ka qënë personi që të ka përkrahur më shumë në fillesat e tua?

Sigurisht që është shumë ë rëndësishme të kesh persona që të përkrahin në rrugën tënde drejt suksesit. Njerëzit që më kanë dhënë suportin më të madh janë prindërit e mi, aq më tepër nëna imë që më ka dhënë spunton kryesore për të vazhduar rrugën e muzikës. Për më tëpër, ajo vazhdon të jetë pjesë e pandashme e imja në gjithçka që unë bëj.

3. Si ka lindur mendimi për realizimin e dy këngëve të tua? Na ndaj disa detaje nga klipet?

Mendova që ishte moment që duhej të shfaqesha më tepër në publik dhe për këtë arsye fillova të punoja me dy këngët e mia të reja të cilat janë realizuar edhe me klip. Klipet janë të ndryshme nga njëra tjetra, sikurse edhe temat e tyre janë të ndryshme.

4.Sa e vështirë është të depërtosh në një treg muzikor ku konkurenca është e madhe, me këngëtarë të afirmuar dhe profesionistë të shumtë në numër?

Si kudo, edhe këtu vështirësitë kanë qënë prezente, madje jo vetëm në fillim por edhe në vazhdim. E rëndësishme është të punosh shumë, të kësh deshirën për të ecur përpara dhe të jesh gjithmonë vetvetja.

5.Cili është mendimi yt për bashkëpunimet muzikore? Sa të dobishme janë ato për këngëtarët?

Bashkëpunimet janë shumë të rëndësishme. Sipas meje, e rëndësishme është të kombinohen shumë elementë me njëri tjetrin dhe ndër këta elementë primar është vokali, më tej renditet karakteri artistik. Pra, elementët duhen të ndërthurren mësë miri me njëra tjetrën. Gjithsesi, bashkëpunimet gjithmonë janë diçka plus dhe pozitive për këngëtarin.

6.Ke ndërmend ndonjë bashkëpunim të afërt muzikor me ndonjë këngëtar të suksesshëm në mënyrë që kjo të jetë edhe një spunto pozitive në karrierrën tënde muzikore?

Një bashkëpunim që sjell gjithmonë sukses, duhet të ketë markën e Gentit, të Tingulli 3’nt.

7.Cilat janë planet e tua më të afërta në muzikë? Mendon ta realizosh së shpejti albumin tënd të parë?

Është herët për mua të mëndoj të realizoj një album që të jetë plotësisht i imi. Kam akoma nevojë të punoj fort dhe të afirmohem akoma më shumë.

8.Të gjithë kemi idhujt tanë, në një fushë apo në një tjetër. A e ka edhe Kieda një idhull të veçantë në jetën e saj?

Qesh… Sigurisht! Beyonce dhe Bruno Mars i kam vërtetë shumë përzemër. Nuk rri dot një ditë pa i dëgjuar.

9.Krahas muzikës, cilat janë ato detaje që okupojnë një hapësirë të konsiderueshme në ditën tënde?

Në plan primar për mua qëndron komunikimi, dhe hapësirën timë më të konsiderueshme e zënë marrëdhëniet me njerëzit.

Trafik Vip