Rozana Radi jam "single"

Rozana , cili është momenti më i bukur që mban mend në karrierën tënde muzikore ?

Unë kam shumë vite në tregun muzikor dhe sigurisht që momentet e bukura janë të shumta në numër, gjithsesi do te vecoja këngën “ Valsi i tradhtisë “ në këngen magjike . Ishte një debutim shumë i veçantë për mua, i papërshkrueshëm me fjalë dhe me bindje mund ta konsideroj si një ndër interpretimet e mia më te mira të realizuara deri më tani.

Sa konkurencial është tregu muzikor shqiptar dhe sa e vështirë është për një këngëtar të jetë i suksesshëm ?

Konkurenca eshte plotësisht relative ! Përsa i përket pyetjes tuaj, sigurisht që konkurenca është prezente në muzikë ashtu si kudo. Gjithsesi, konkurenca mund të menaxhohet duke qënë që çdo njeri ka natyrën e vet të të bërit muzikë. Unë jam vetëm një në gamën e këngëtarëve shqiptarë dhe sikurse unë, çdo person ka publikun e vet dhe lufton për ta kënaqur atë.

A ekziston një celës që që con drejt suksesit , në rastin konkret në fushën e muzikës a ekziston një çelës i tillë ?

E rëndësishme është të sigurosh njerezit e duhur për të punuar, por njëkohësisht duhet të kesh talent dhe vullnet për të realizuar synimet e tua …

Shpeshherë këngëtarët realizojnë bashkëpunime të cilat u japin spunto pozitive karrierës së tyre artistike, cila ka qenë rëndësia e bashkëpunimeve të tua muzikore dhe si kanë lindur ato ?! Rastësisht apo te paramenduara më parë ?

Sigurisht që në sferën muzikore bashkëpunimet kanë rëndësinë e tyre. Mua personalisht bashkëpunime të ndryshme më kanë dhënë efekte të ndryshme duke filluar nga bashkëpunimi me Noizy-n i cili vjen nga një treg Hip Hop-i, e deri tek bashkepunimi me Ramadan Krasniqin si nje ikone e muzikës së bukur kosovare të cilin e vlerësoj shumë.

Të flasim paksa për klipin tënd më te fundit, skenat hot tek ai dhe mendimet e Rozanës rreth komenteve dhe thashethemeve në drejtim të këngës ?

Mua personalisht s’më vret asgjë syrin në klip, madje edhe njerëzit intelektualë më kane uruar që në momentin e parë që kanë parë videoklipin. Të paktën unë këte videoklip e kam realizuar për persona që mund të më kuptojnë dhe persona me nivel të lartë . Njerëzit e kategorive të thjeshta që nuk kanë shëtitur jashtë dhe komentojnë nuk kanë gjë tjetër me çfarë të merren, kështu që mua s’më intereson aspak se çfarë ata mendojnë.

Të gjitha femrat skenike në Shqipëri janë shumë të kuruara nga aparenca fizike, sa e rëndësishme është pamja e jashtme për të qënë jo vetëm e bukur por edhe e famshme ?!

Në tregun komercial në vëndin tonë, pamja e jashtme është elementi kryesor që bie më ndjeshëm në sy dhe patjetër që i kushtohet rëndësi. Ndërkohë nësë flasim për evenimente të rëndësishme muzikore sic janë festivalet dhe kompeticionet, elementi kryesor ëshë vokali dhe interpretimi.

Gjithmonë të shohim në formë shumë të mirë, përdor ndonjë kreator mode apo kujdesesh vetë për çdo detaj ?

Për të qënë ë sinqertë dhe pa e zgjatur me komente të tepërta, këtë vit jam veshur plotësisht vetë me veshje dhe aksesorë të blerë jashtë.

Është përfolur në media që do të realizosh nje set “Topless” kundrejt një pagese relativisht të konsiderueshme, sa e vertetë është kjo hipotezë ?!

Jo nuk është aspak e vërtetë! Për të qënë e qartë oferta ka pasur, por nuk kam pranuar absolutisht asgjë lidhur me këtë fakt .

Si janë marrëdhëniet e tua me kolegët, a ekzistojnë armiqësitë në fushën muzikore dhe në planin tjetër, cilët janë ata kolegë që i cilëson edhe si miq të vërtetë ?

Gjithçka është çështje karakteri, qëndron me ata që ndihesh mirë dhe keni synime të përbashkëta. Përsa i përket armiqësive, askush nuk të prish dot punë duke qënë që cdo këngëtar është vetë padron i punës së tij. Në fund, publiku nuk bën kompromis dhe vlerëson gjithmonë më të mirin. Shoqëri kam me të gjithë ata që punoj dhe u kushtoj goxha nga koha ime.



Janë përhapur zëra për një marrëdhënie të vecantë ndërmjet teje dhe Noizit, nga burojnë këto zëra dhe cila është e vërteta ?!

Qesh … Noizy është shumë më i vogël se unë, dhe kuptohet që përveç bashkëpunimeve nuk ka asnjë marrëdhënie tjetër mes nesh.



Thashethemet janë gjithmonë prezente kur je një personazh i njohur, a e ke ndjerë veten keq ndonjëherë për ndonjë koment të padëshirueshëm në media dhe si ke reaguar ?

Jam mësuar tashmë me thashethethmet dhe komentet e shumta kështu që asgjë nuk më bën përshtypje. Për më tepër mundohem gjithmonë ti marr me buonsens, sportivitet dhe filloj qesh kur i lexoj …



Cili është raporti juaj me gazetarët, sa tolerantë dhe të kujdesshëm mundohen ata të jenë në raport me vipat ?!

Unë nuk kam shumë raporte me ta gjithsesi gazetari mbetet gazetar, çka do të thotë që i takon ta përcjelle lajmin ashtu siç atij i vjen informacioni . E rëndësishme është që lajmi i tyre të jetë real dhe i pakonfliktueshëm.

Rozana është një vajzë e bukur seksi, sharmante dhe gjithmonë me shumë hijeshi ne skenë. Eshtë e sigurtë që çdo mashkull do dëshironte të ishte përkrah teje por realisht a është një mashkull prezent në jetën tënde ?

Jo, jam plotësisht vetëm por super e lumtur me këtë zgjedhje …

Ndërmjet inteligjencës, maturisë dhe bukurisë çfarë kriteri do të vlerësoje
më tepër tek personi i zemrës ?!

Të gjitha elementet e sipërpërmëndura janë të rëndësishme por personalisht do të vlerësoja më shumë sensin e humorit .

Sa të veshtirë e ka një këngëtar të kordinojë kohën e tij, prsh vera e tejngjeshur me koncerte a të ka krijuar mundësi edhe per tu relaksuar në shoqerinë e personave të tu të dashur ?!

Absolutisht jo, kam plot 4 muaj pa parë time motër , duke qënë që koha ime është shumë e kufizizuar me punë dhe vetëm punë!

Një fjalë të fundit për fansat e tu që të suportojnë gjithmonë ?

I falenderoj të gjithë fansat e mi për suportin e vazhdueshëm që ata më kanë dhënë dhe vazhdojnë të më japin, e aq më tepër një falenderim kam për ata që në sezonin e verës janë nisur për të mbushur clubet në shoqërine time. Uroj që kënga e re dhe videoklipi i ri t’ju ketë pëlqyer ndërkohë, për njerëzit që nuk na duan u uroj jetë te gjatë dhe të me shohin në sukses të mëtejshëm në karrierën time muzikore !!!

Trafik Vip