Sot fillon leshimi i pasaportave biometrike!

Ministria e Punëve të Brendshme ka konfirmuar se nga sot do të fillojë lëshimin e pasaportave biometrike.

Ministria tashmë ka bërë të gjitha përgatitjet, tha për Radio Kosovën, Fisnik Rexhepi, këshilltar i Ministrit të Brendshëm të Republikës së Kosovës.
Ky është njëri nga kriteret në procesin e liberalizimit të vizave, dialogu për të cilin pritet të filloj në fund të dhjetorit.
Qeveritarët në Kosovë flasin për një afat rekord të përmbushjes së kritereve, ndërsa përfaqësues nga Bashkimi Evropian nuk japin afate kohore, por sugjerojnë krahasimin me vendet e rajonit.

Në ceremoninë e lëshimit të pasaportave të para, pjesëmarrës do të jenë kryeministri i Kosovës, Hashim Thaçi, ministri i Punëve të Brendshme, Bajram Rexhepi, përfaqësues të Zyrës Ndërlidhëse të Komisionit Evropian në Kosovë, ambasadorët e ambasadave të huaja në Kosovë dhe përfaqësues të institucioneve tjera vendore dhe ndërkombëtare.

Ceremonia e dhënies së pasaportave të para biometrike do të bëhet në ora, 14.30, në objektin e Ministrisë së Punëve të Brendshme.

Pasaportat bimoterike të Republikës së Ksooëvs, prodhohen nga një kompani austriake.