Topalli lobon për Kosovën në Liban

Kryetarja e Kuvendit të Shqipërisë, Jozefina Topalli po zhvillon një
vizitë zyrtare në Liban. Fillimisht ajo u prit nga presidenti i Libanit,
Michel Sleiman.
Qëllim i vizitës së Kryetares së Kuvendit në
Liban është edhe kërkesa për njohjen e pavarësisë së Kosovës. Kryetarja e
Kuvendit theksoi se “Rajoni ballkanik ka vuajtur shumë nga luftrat dhe
genocidet por, që nga shpallja e pavarësisë së Kosovës, ky rajon
reflekton paqe e stabilitet. Deri tani e kanë njohur Kosovën, 87 vende
nga Europa, SHBA, vende të Azisë, ndaj theksoi Kryetarja e Kuvendit do
të ishtë një kontribut shumë i rëndësishëm që edhe Libani ta shohë
mundësinë e njohjes.
Në takimin me shoqatat e industrialistëve,
hoteleri turizimit, mjekësisë dhe investotorëve libanez, Kryetarja e
Kuvendit foli për domosdoshmërinë e marrëdhënieve ekonomike më të
ngushta me Libanin. Ajo bëri një prezantim të Shqipërisë, mundësive të
jashtëzakonshme natyrore dhe ekonomike, shanceve të mëdha që ajo ofron,
potenciale ende të pashfrytëzuara dhe klimë e favorshem për biznesin.
Në
maj, pritet një vizitë në Shqipëri e shoqatave të biznesit dhe
turizimit për të parë nga afër mundësitë që ofron Shqipëria për
investimet libaneze. Libani ka një traditë shumë të pasur në sektorin
ekonomik dhe Bejruti është konsideruar si Parisi i Lindjes së Mesme.