Shën Valentini i vajzave beqare, të show-bizit shqiptar!

Janë të bukura dhe mjaft seksi. Secili djalë do të donte t’i kishte në krahë Ditën e të Dashuruarve, por dhe mund të kenë rastin, pasi shumica e tyre janë beqare, të paktën kështu na tregojnë vajzat e skenës dhe bukuroshet shqiptare. Dikush me shaka, apo me spec na thotë se edhe mund ta pranonin një dhuratë për 14 shkurt nga dikush, megjithëse nuk e njohin, por kujdesuni djem nëse e merrni seriozisht këtë gjest, dikush nga bukuroshet tona edhe mund ta refuzojë dhuratën, duke mos i besuar thënies “Dhuratën e pranon dhe mbreti”, arsyeja pasi është një ditë e veçantë, që e ka emrin Shën Valentin.

Beatrix Ramosaj – këngëtare

“Nuk e di a do ta pranoja, por varet se kush do ishte ai djalë”.



Adelina Emini- këngëtare

“Nuk marr dhuratë prej çfarëdo djali që do ta takoj, sepse në Ditën e të Dashuruarve dhurate duhet të merret vetëm nga i dashuri”.



Ledi Vokshi – këngëtare

“Hahahahah (qesh). Edhe mbreti pranon dhurata, e pse jo Ledi!”.



Rovena Domi – miss

“Ditën e 14 shkurtit e vlerësoj shumë si festë dhe patjetër që do e pranoja një dhuratë nga partneri në krah”.

[/url]

Drenusha Latifi – këngëtare dhe miss

“Po, në vend e kisha pranuar dhuratën, po si duket askush s’po më sjell asgjë, hahahhahaha”.



Dhurata Ahmetaj – këngëtare

-14 shkurti është Dita e të Dashuruarve. Dhuratat shkëmbehen në mes njerëzve që dashurohen. Unë përderisa nuk e ndiej veten të dashuruar, nuk mendoj që do të duhej të pranoja ndonjë dhuratë nga dikush, që ndoshta mund të jetë i dashuruar në mua, sepse do të ishte shumë e padrejtë, kjo do të ngjallte shpresa të kota te ai person dhe unë nuk e ndiej veten mirë ta zhgënjej dikë. Jam shumë e drejtpërdrejtë, d.m.th. përgjigja ime është, jo!”.



Valza Bajra – këngëtare

-”Hahahahha, (qesh). Po nëse do më pëlqente, patjetër se po, dhuratat nuk i kthej asnjëherë, pasi që nuk dua ta ofendoj askënd, sepse ai mund ta bëjë me shumë mirësi atë dhuratë, e unë nuk mund ta refuzoj, po do ta pranoja, pasi që jam beqare dhe kam të drejtë të dashurohem për Shën Valentin, pse jo, haha!”.

Edita Sopjani – këngëtare

-Meqenëse nuk kam të dashur, nuk mendoj që ia vlen të pranoj dhuratë nga një person tjetër për këtë feste, pasi që kjo festë njihet si festë e dashurisë, e nuk besoj që një dhuratë mund te zëvendësojë atë”.



Përgatiti: M. GJOKAJ KOSOVASOT