Melodia e preferuar e celularit redukton aftesine perqendrimit!

Meloditë argëtuese, qesharake dhe që mbahen mend lehtë të zileve të telefonit kanë edhe anën e tyre të errët. Studimi i kryer në revistën Journal of Environmental Psychology ka treguar që meloditë e paharrueshme reduktojnë aftësinë e koncentrimit të njerëzve përreth.

Efektin më të fortë negative kanë pop-hitet e njohura, ndërsa studentët të cilët gjatë ligjëratave i janë ekspozuar ziles së tillës kanë mbajtur mend 25 për qind më pak informata për dallim nga ata që kanë dëgjuar në qetësi.

Nëse dëshironi ta shmangni shqetësimin e mjedisit, bëni kujdes që melodia të mos jetë shumë e besdisshme dhe si zile të telefonit mos vendosni këngën e preferuar, por përmbajuni melodive “të mërzitshme” që i ka telefoni.

Po ashtu, nëse shkoni në takim dhe prisni nje telefonatë të rëndësishme, paraprakisht paralajmëroni njerëzit që do t'ju duhet të lajmëroheni në telefon - nëse ata e presin qe te bie nje zile telefoni, ajo do t’i pengojë më pak në punë. /ikub/