Ngjyrë të kuqe në tavolinë për të ruajtur linjat!

Një grup studiuesish zviceranë kanë kryer një studim mbi ndikimin e ngjyrës së kuqe në zgjedhjet tona ushqimore, dhe kanë arritur në përfundim se ajo ndikon dukshëm oreksin tonë. Ngjyra e kuqe nuk është vetëm ngjyra e dashurisë, por edhe ai që ju vjen në ndihmë për të ruajtur linjat tuaja! Në studimin në fjalë u përfshinë 41 studentë, të cilëve iu ofruan pije në gota të kuqe ose blu. Në çdo rast, u vu re se ata që pinë me gotën me ngjyrë të kuqe, konsumuan 40% më pak lëng se ata që pinë në gota me ngjyrë blu.

Një test i ngjashëm u bë për të provuar efektivitetin e ngjyrës së kuqe edhe në rastin e ushqimeve. Një grup prej 109 njerëzish iu nënshtruan një statistike, ndërkohë që për secilin prej tyre u shërbyen ushqime në pjata me ngjyrë të ndryshme: blu, të bardhë ose të kuqe, dhe u zbulua se njerëzit që kishin ngrënë në pjatë me ngjyrë të kuqe, kishin konsumuar më pak se gjysmën e ushqimit që kishin konsumuar pjesa tjetër e pjesëmarrësve në studim.

Kështu pra, ngjyra e kuqe, e cila zakonisht përdoret për të paralajmëruar ose ndaluar përballë një rreziku, mesa duket paska të njëjtin funksion edhe në fushën e të ushqyerit; si një "STOP", një paralajmërim për të moderuar oreksin tonë, duke zvogëluar racionet ushqimore të konsumuara.

Hulumtimi, i publikuar në revistën ‘Appetite’ thekson se kjo teori, e mbështetur edhe nga studime të mëtejshme, mund të hapë një fushë interesante për të shqyrtuar të gjitha mundësitë për strategjitë dietetike. Në fund të fundit, ndoshta duhet të mendoni të blini një servis të ri pjatash dhe gotash, dhe mos harroni ngjyrën, absolutisht të kuqe. Kështu, kontrolloni edhe linjat. /shqip/